ព័ត៌មានអន្ដរជាតិ

កាណាដាបញ្ជាក់ជំហរជាថ្មី ផ្តល់ជំនួយដល់អ៊ុយក្រែន បន្ថែមទៀត

បានផុស

៥ ខែ មុន

នៅ

ថ្ងៃពុធ ២៥ កុម្ភៈ ២០២៦

ដោយ

កាលពីថ្ងៃទី២៤ ខែកុម្ភៈ ឆ្នាំ២០២៦ ដែលត្រូវជាខួប៤ឆ្នាំនៃសង្គ្រាមរុស្ស៊ី-អ៊ុយក្រែន, រដ្ឋាភិបាលកាណាដាបញ្ជាក់ជាថ្មីនូវការគាំទ្រយ៉ាងមុតមាំរបស់ខ្លួនចំពោះអធិបតេយ្យភាព ឯករាជ្យភាព និងបូរណភាពទឹកដីរបស់អ៊ុយក្រែន ទាំងផ្នែកយោធា មនុស្សធម៌ និងថាមពល ។

លោក Mark Carney និង លោក Volodymyr Zelenskyy ។ រូបភាព៖ រដ្ឋាភិបាលអ៊ុយក្រែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីសង្គ្រាមផ្ទុះឡើងនៅថ្ងៃទី២៤ ខែកុម្ភៈ ឆ្នាំ ២០២២ មក កាណាដាបានឈរយ៉ាងរឹងមាំជាមួយអ៊ុយក្រែន និងប្រជាជនប្រទេសនេះ។ មិនតែប៉ុណ្ណោះ កាណាដាបានរួមចំណែកយ៉ាងសំខាន់រួមមានជំនួយសេដ្ឋកិច្ច មនុស្សធម៌ ការអភិវឌ្ឍ និងផ្នែកយោធាយ៉ាងច្រើន ជាពិសេសមានទាំងជំនួយខាងការទូតផងដែរដល់អ៊ុយក្រែន។

លោក David J. McGuinty រដ្ឋមន្ត្រីក្រសួងការពារជាតិកាណាដាថា ដើម្បីគាំទ្របន្ថែមទៀតដល់អ៊ុយក្រែន ខ្លួនប្រកាសពីការបន្តប្រតិបត្តិការ សម្រាប់អង្គការ UNIFIER ក្នុងរយៈពេលបីឆ្នាំបន្ថែមទៀត ដល់ឆ្នាំ ២០២៩។ តាមរយៈប្រតិបត្តិការនេះ កងកម្លាំងប្រដាប់អាវុធកាណាដា (CAF) ផ្តល់ការបណ្តុះបណ្តាលយោធាជាបន្តបន្ទាប់ និងការកសាងសមត្ថភាព ដើម្បីគាំទ្រដល់កងកម្លាំងប្រដាប់អាវុធអ៊ុយក្រែន។

លោក McGuinty ប្រកាសឲ្យដឹងថា៖ «ជំនួយយោធាចំនួន ២ប៊ីលានដុល្លារពីសារពើពន្ធក្នុងឆ្នាំ ២០២៦-២៧ នឹងក្លាយជាការគាំទ្រដល់វិស័យយោធាអ៊ុយក្រែន ដើម្បីធានាថាកងកម្លាំងប្រដាប់អាវុធអ៊ុយក្រែនមានឧបករណ៍ និងសមត្ថភាពគ្រប់គ្រាន់ ដើម្បីការពារទឹកដីពួកគេ»។

ប្រែសម្រួល៖ ណឺ មិនា