ជីវិតកម្សាន្ដ

Pu Praya ក្លាយជាតារាថៃតែម្នាក់គត់ ត្រូវគេអញ្ជើញឲ្យចូលរួមកម្មវិធី Met Gala 2023

បានផុស

៥ ខែ មុន

នៅ

ថ្ងៃពុធ ៣ ឧសភា ២០២៣

ដោយ

តារាសម្ដែងសិចស៊ីថៃនាង Pu Praya Lundberg ក្លាយជាតារាថៃតែម្នាក់គត់ដែលមានឱកាសត្រូវគេអញ្ជើញឲ្យចូលរួម Met Gala 2023 ដ៏ល្បីល្បាញនិងជាកម្មវិធីធំបំផុតរបស់ពិភពលោកផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ខណៈពេលដែលនាងដើរចូលកម្មវិធីមានមនុស្សមិនតិចនាក់ទេបានចាប់ភ្នែកសម្លឹងមើល ជាពិសេសនោះគឺពីអ្នកគាំទ្របានសម្រុកមកសុំហត្ថលេខារបស់តារាស្រីរូបនេះ មុននឹងដើរចូលកម្មវិធី រួមទាំងក្រុមអ្នកសារព័ត៌មានបានផ្ដិតយករូបនាងយ៉ាងត្រចេះត្រចង់ថែមទៀត។ លើសពីនេះ Pu Praya បានជ្រើសរើសជ្រើសរើសរ៉ូបបញ្ចេញស្មាមួយចំហៀងពណ៌ក្រហមឆើតឆាយពីម៉ាក Karl Lagerfeld ដើម្បីចូលរួមកម្មវិធី Met Gala 2023 នៅសណ្ឋាគារ The Mark ទីក្រុងញូវយ៉ក។

យ៉ាងណាមិញ ក្នុងព្រឹត្តិការណ៍នេះ Pu ត្រូវបានគេចាត់ទុកថាជាតារាសម្ដែងថៃតែម្នាក់គត់ ដែលបានចូលរួមក្នុងកម្មវិធីនោះ បន្ទាប់ពីនាងបានក្លាយជាតារាសម្តែងហូលីវូដលើទឹកដីអាមេរិកម្នាក់ផងដែរ។ ប៉ុន្តែនេះក៏មិនមែនជាលើកទីមួយរបស់នាងដូចគ្នាក្នុងការដើរចូលកម្មវិធីលំដាប់ពិភពលោកនោះ ជាញឹកញយទស្សនិកជនតែងឃើញនាងបង្ហាញវត្តមានជាមួយតារាល្បីៗជាច្រើន រាប់តាំងពីកម្មវិធីដើរម៉ូដដូចគ្នា៕