អ្នកគាំទ្រ Ice ភ័យមិនស្ទើរ ក្រោយដឹងថានាងទិញថ្នាំបំពុល Cyanide ពីប្រភពដូចជនសង្ស័យសម្លាប់មនុស្ស

អ្នកគាំទ្រជាច្រើនរបស់ Ice Preechaya ភ័យលួសព្រលឹងគ្រប់ៗគ្នា ក្រោយដឹងថាតារាសម្ដែងសំណព្វចិត្តរបស់ពួកគេបានបញ្ចាទិញថ្នាំបំពុល Cyanide ដែលជា​សារធាតុ​ហាមឃាត់​ និង​កំពុង​កក្រើក​ទាក់ទង​នឹង​រឿង​ក្ដី​ឃាតកម្ម​ក្នុងប្រទេស​ថៃ។

ទោះយ៉ាងណាក៏ដោយ ដើម្បី​ជម្រះ​មន្ទិល​សង្ស័យ​ម្តាយ​ របស់នាងបានចេញមុខ​មក​បញ្ជាក់​ថា​ កូនស្រី​ពិតជា​ទិញ​Cyanide​។ ប៉ុន្តែ​នាង​ទិញ​ដើម្បីកម្ចាត់ពស់ សត្វល្មូនដែលមានពិសនៅក្នុងផ្ទះ​ប៉ុណ្ណោះ។

ម្តាយរបស់តារាសម្តែង Ice​ គឺអ្នកស្រី Bang-On​ បានទម្លាយថា Ice ពិតជាបានបញ្ជាទិញ Cyanide មែន។ ដោយ​បាន​បញ្ជា​ទិញ​តាំង​ពី​ថ្ងៃ​ទី ២៥ ខែ​មេសា ទទួល​បាន​ទំនិញ​នៅ​ថ្ងៃ​ទី ២៧ មេសា ព្រម​ទាំង​ប្រាប់​ពី​មូលហេតុ​នៃ​ការ​ទិញ​ដើម្បី​កម្ចាត់​ពស់ ក្អែប និងសត្វល្មូនផ្សេងៗ ដោយសារតែ​នៅផ្ទះមានបញ្ហា​ជាមួយ​សត្វល្មូនវាយប្រហារ​សត្វចិញ្ចឹម។ ពួកគេបាន​ព្យាយាម​រកដំណោះស្រាយ​ចំពោះបញ្ហាជាច្រើន។ ហើយ​រក​មិន​ឃើញ​អ្វី​ដែល​ត្រូវ​ជួយដល់សត្វចិញ្ចឹមទេ រហូតនឹកដល់ Cyanide​ ទើបអាច​បណ្ដេញ​ពួកសត្វល្អិតបាន។

យ៉ាង​ណា​ក៏ដោយ អ្នកស្រី Bang-On បាន​បញ្ចាក់បន្ថែមទៀតថា ដំបូង​ឡើយ គាត់​មិន​ដឹង​ថា​ត្រូវ​បញ្ជា​ទិញ​ពី​ណា​ទេ ព្រោះ​វា​ជា​ថ្នាំ​គ្រោះថ្នាក់។ ក្រោយមកក៏អាចបញ្ជាទិញតាម​អ៊ីនធឺណិត​​ ព្រម​ទាំង​និយាយ​ថា​​ បាន​បង់​លុយ​ជាង​៣​ពាន់​បាត​ក៏​ទទួល​បាន​របស់ហើយ។

ដោយឡែកងាកទៅខាង​ព័ត៌មានរបស់សមត្ថកិច្ចបានរកឃើញថា តារាសម្ដែងស្រីល្បីឈ្មោះក្នុងវិស័យភាពយន្ត Ice Preechaya បានបញ្ជាទិញសារធាតុ​ Cyanide​ ពីប្រភពដូចគ្នាជាមួយ Am ដែលត្រូវចោទប្រកាន់ពីបទបំពុលមិត្តភក្ដិព្រោះតែបំណុល។ រហូតមកដល់ពេលនេះម្ដាយតារាសម្ដែង Ice បាននាំយកភស្តុតាងទាំងអស់​ដែលមិនទាន់បានវេចខ្ចប់ បញ្ជូន​មក​កាន់​អធិការដ្ឋាន​នគរបាល​ក្រុង​បាង​ខេនដើម្បីស៊ើបអង្គេតបន្តទៀតពីករណីសង្ស័យមួយនេះ៕

ប្រែសម្រួល៖ សាង ស្រីល័ក្ខ

ចុចអាន៖Pu Praya ក្លាយជាតារាថៃតែម្នាក់គត់ ត្រូវគេអញ្ជើញឲ្យចូលរួមកម្មវិធី Met Gala 2023