ជីវិតកម្សាន្ដ

រឿន ណាត គ្រងគ្រឿងពេជ្រតម្លៃជិតកន្លះលានដុល្លារ ភ្លឺចែងចាំងពេញខ្លួន

បានផុស

១ year មុន

នៅ

ថ្ងៃចន្ទ ៨ ឧសភា ២០២៣

ដោយ

ប្រាកដណាស់ក្រោយបានតំណែងក្លាយជាបវរកញ្ញាចក្រវាលកម្ពុជាឆ្នាំ ២០១៨ មក ឃើញថា ទីផ្សារសិល្បៈរបស់ស្រីស្អាត រឿន ណាត កាន់តែមានភាពលេចធ្លោ រហូតត្រូវបានម្ចាស់ក្រុមហ៊ុន និងផលិតករជាច្រើនសម្លឹងឃើញ ហើយអញ្ជើញទៅថតសម្ដែង ឬ ផ្សព្វផ្សាយពាណិជ្ជកម្មជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនាអំឡុងពេល ២ ឬ ៣ ឆ្នាំចុងក្រោយនេះ បវរកញ្ញា រឿន ណាត ត្រូវបានម្ចាស់ហាងពេជ្រមួយពេញចិត្តពីសមត្ថភាពក្នុងការសម្ដែងរបស់នាង ហើយក៏ត្រូវបានផ្ដល់ឱកាសឲ្យថតផ្សាយពាណិជ្ជកម្ម។ ក្នុងនោះនាងក៏ត្រូវបានគេដឹងថាជាសិល្បការិនីដែលពាក់ពេជ្រមានតម្លៃថ្លៃៗ ស្ទើរគ្រប់ការចូលរួមកម្មវិធីសិល្បៈទាំងអស់។

អ្វីដែលគេកាន់តែចាប់អារម្មណ៍ថែមទៀតកាលពីថ្មីៗនេះ មហាជន និងអ្នកគាំទ្រ ក៏បានឃើញបវរកញ្ញា រឿន ណាត គ្រងគ្រឿងពេជ្រដែលមានតម្លៃថ្លៃ ក្នុង ១ ខ្សែ ជិតកន្លះលានដុល្លារ សម្ញែងភ្នែកមហាជនទៀតផង។ តាមរយៈនោះដែរ កញ្ញា រឿន ណាត ពាក់ត្បូងរតនគីរីពិសេសលេខ ១ របស់ខ្មែរ ឡោមទៅដោយគ្រប់ពេជ្រថ្លៃជាច្រើន ដែលគេប៉ាន់ប្រមាណថា ក្នុង ១ ខ្សែ តម្លៃជិតកន្លះលានដុល្លារ ដែលគេសង្ស័យថាគូស្នេហ៍នាងទិញឲ្យ។

បកស្រាយចំពោះមន្ទិលនេះ ត្រូវបានសាមីខ្លួន កញ្ញា រឿន ណាត ឆ្លើយតបថា កន្លងមកនាងពិតជាទិញពេជ្រ និងត្បូងរតនគីរីយកមកពាក់ទៅចូលរួមគ្រប់កម្មវិធីមែន។ តែចំពោះពេជ្រដែលឃើញនាងពាក់ មានត្បូងរតនគីរីខ្មែរ ឡោមដោយពេជ្រនេះ គឺជាការថតផ្សាយពាណិជ្ជកម្មប៉ុណ្ណោះ។ នាងនិយាយថា មកដល់ពេលនេះ មិនទាន់មានគូស្នេហ៍ណាហ៊ានទិញពេជ្រឲ្យជិតកន្លះលានដុល្លារទេ ទាល់តែនាងសន្សំលុយទិញខ្លួនឯងសិន៕

អត្ថបទ ៖ ចាន់រ៉ា