ជិតមួយឆ្នាំ ទម្រាំឈ្មោះកូនប្រុសរបស់កំពូលតារាចម្រៀង Rihanna បែកធ្លាយ

ថ្មីៗនេះសារព័ត៌មាន Dailymail ទទួលបានច្បាប់ចម្លងនៃសំបុត្រកំណើតរបស់កូនប្រុសតារាចម្រៀង Rihanna ដែលនាងខំលាក់ជិតមួយឆ្នាំទៅហើយដើម្បីសុវត្ថិភាពក្មេងនិងភាពឯកជនក្នុងជីវិត ។

ក្មេងតូចមានឈ្មោះថា RZA Athelston Mayers កើតនៅថ្ងៃទី ១៣ ខែឧសភា ឆ្នាំ ២០២២ ក្នុងមន្ទីរពេទ្យ Cedars-Sinai នៃទីក្រុងឡូស អេនជែលឡែស ។

តាមពិតឈ្មោះរបស់កូនប្រុស Rihanna ជាមួយលោក A$AP Rocky បានមកពីផលិតករ និងតារាចម្រៀងរ៉េបលោក RZA ដែលជាអ្នកដឹកនាំ Wu-Tang មានឈ្មោះពេញគឺ Robert Fitzgerald Diggs ។ 

បើយើងសង្កេតមើលឲ្យម៉ត់ចត់ទៅទើបដឹងថា Rihanna បានលួចបញ្ចេញឈ្មោះកូនយូរមកហើយ ចាប់តាំងពីសម្រាលមកនាងឧស្សាហ៍ពាក់ខោអាវក្រុម Wu-Tang ជាញឹកញាប់គ្រាន់តែគ្មានអ្នកចាប់អារម្មណ៍ប៉ុណ្ណោះ ៕

ប្រែសម្រួល ៖ វារី

ចុចអាន ៖ Rihanna ប្រកាសពពោះលើកទី ២ ទាំងកូនដំបូងមិនទាន់ចេះនិយាយ