គូស្នេហ៍ Mark-Kimberly បង្ហាញផ្ទះថ្មី ត្រៀមចូលនៅក្រោយរៀបការ

មុនពេលហោះឆ្លងទ្វីបទៅរៀបមង្គលការនៅអ៊ីតាលីនាខែកញ្ញាខាងមុខ គូស្នេហ៍ផ្អែមល្ហែម Mark-Kimberly បានបោះធៀបការជារួចស្រេច និងបានដើរចែកសំបុត្របណ្ដើរៗហើយ ព្រមទាំងបើកបង្ហាញផ្ទះថ្មីដែលត្រៀមរស់នៅជាមួយគ្នា ក្រោយរៀបការរួចទៀតផង។

តាមរយៈការចែករំលែករបស់ Kimberly នៅលើបណ្ដាញ​ Instagram ប្រិយមិត្តអាចឃើញផ្ទះថ្មីដែលសង់មិនទាន់រួចយ៉ាងធំល្វឹងល្វើយមួយខ្នង ដែលបន្ទប់នីមួយៗនៅក្នុងផ្ទះ ទោះបីមើលឃើញមិនពេញលេញ ប៉ុន្តែគ្រប់គ្នាសុទ្ធតែដឹងថាវាប្រណីតខ្លាំង មិនចាញ់ផ្ទះអភិជនឡើយ។

ជាមួយគ្នានោះ Kimberly ក៏បានបង្ហើបខ្លះៗដែរអំពីផ្ទះថ្មីរបស់នាង ដោយផ្ទះនេះមានបន្ទប់គេងផ្ទាល់ខ្លួន បន្ទប់សម្លៀកបំពាក់ដែលធំជាងបន្ទប់គេងពីរដង អាងហែលទឹកប្រណីត និងបន្ទប់សម្រាប់កូន ដែលនាងនិងអនាគតស្វាមីត្រៀមទុកដើម្បីទទួលកូនប្រុស។

បច្ចុប្បន្នផ្ទះថ្មីរបស់ Mark-Kimberly មិនទាន់បញ្ចប់រួចរាល់ ១០០ភាគរយនៅឡើយទេ ហើយក៏មិនទាន់ដឹងថាគូស្នេហ៍នេះចូលមករស់នៅពេលណាឱ្យជាក់លាក់ដែរ ខណៈមង្គលពួកគេនៅសល់ ៤ខែទៀតឯណោះ ទើបរៀបចំឡើង៕

ប្រែសម្រួល៖ សន្យា

ចុចអាន៖ សល់ ៤ខែទៀតចូលរោងការ Mark-Kimberly រំភើបចិត្តខ្លាំង ដឹកដៃគ្នាបោះធៀបការរួចស្រេច

ចុចអាន៖ James Ma សារភាពស្នេហ៍ Rinrada ចំពោះមុខឪពុកម្ដាយ