អ្នកគាំទ្រកូរ៉េប្រើសម្ដីធ្ងន់ៗលើ xooos ក្រោយល្បីទាក់ទងជាមួយ Park Seo Joon

អ្នក​និយម​លេង​អ៊ីនធឺរណិត​កូរ៉េ​បានសម្ដីធ្ងន់ៗ​វាយ​ប្រហារទៅ​គណនី Instagram របស់តារាចម្រៀង xooos បន្ទាប់ពីលេចឮពាក្យចចាមអារ៉ាមណាត់ជួបជាមួយតារាសម្ដែង Park Seo Joon ។

ក្រោយធ្លាយពាក្យចចាមអារ៉ាមណាត់ជួបគ្នា Park Seo Joon បានថ្លែងនៅក្នុងសន្និសីទសារព័ត៌មានមួយ ដោយព្យាយាមគេចវេសក្នុងការបញ្ជាក់ពីទំនាក់ទំនងរវាងលោកនិង YouTuber កញ្ញា xooos ហើយបន្ទាប់ពីការបញ្ជាក់មិនច្បាស់លាស់របស់តារាប្រុសរូបនេះ វាបានធ្វើឱ្យអ្នកគាំទ្ររបស់លោកចេញមកប្រើសម្ដីមិនល្អជាច្រើនទៅលើសាមីខ្លួនខាងស្រី។

អ្នក​លេង​អ៊ីនធឺរណិតដែលជាហ្វេនរបស់ Park Seo Joon នាំគ្នា​ខឹង​សម្បារនឹង xooos និងបាន​សម្រុក​ចូល​ទៅបញ្ចេញមតិទាំងកំហឹង​នៅលើ Instagram របស់​តារា​ចម្រៀង​រូប​នេះ។

ពួកគេបានសរសេរលើការបង្ហោះរបស់ xooos ថា “នាងមិនសមនឹង Seo Joon ទេ!, Park Seo Joon ល្អជាងនាងឆ្ងាយណាស់, ខ្ញុំស្ទើរតែមិនជឿថា Park Seo Joon កំពុងណាត់ជួបជាមួយមនុស្សស្រីមិនទាន់ពេញវ័យ ខ្ញុំខកចិត្តណាស់, Park Seo Joon ជាកំពូលតារា ចុះនាងជាអ្វី?, ខ្ញុំ​មិន​ចង់​និយាយ​​អាក្រក់​ទេ ប៉ុន្តែ​អ្នក​ទាំងពីរពិតជាមិនសមគ្នាទេ, ។ល។ “

ថ្វីត្បិតតែ xooos បានរងនូវសម្ដីអវិជ្ជមានលើនាងបែបនេះក្ដី ប៉ុន្តែអ្នកគាំទ្រអន្តរជាតិជាច្រើនបានចេញមុខការពារនាងផងដែរ៕

ប្រែសម្រួល៖ សន្យា

ចុចអាន៖ Park Seo Joon ឆ្លើយយ៉ាងខ្លី ក្រោយលេចឮព័ត៌មានណាត់ជួបជាមួយមិត្តភក្តិរបស់ Jennie