ជីវិតកម្សាន្ដ

Kim Bum ទម្លាយមូលហេតុ Lee Dong Wook កម្រឃើញពាក្យចចាមអារ៉ាមទាក់ទងស្នេហា

បានផុស

៣ years មុន

នៅ

ថ្ងៃចន្ទ ២៦ មិថុនា ២០២៣

ដោយ

ថ្វីត្បិតតែបង្ហាញខ្លួនតាំងពីនៅអាយុ១៨ ឆ្នាំក៏ដោយ ប៉ុន្តែតារាសម្ដែងជើងចាស់ Lee Dong Wook ទើបតែមានពាក្យចចាមអារ៉ាមថាមានស្នេហាតែមួយដងគត់ក្នុងអាជីពរបស់លោក ពេលដែលមានគេបញ្ជាក់ថាគាត់បានណាត់ជួបជាមួយ Suzy ក្នុងខែមីនា ឆ្នាំ ២០១៨ ប៉ុន្តែគួរឲ្យសោកស្ដាយទំនាក់ទំនងរបស់ពួកគេបានបញ្ចប់យ៉ាងឆាប់រហ័សក្នុងរយៈពេល៤ ដោយសារតែមានកាលវិភាគរវល់រៀងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចដែលទស្សនិកជនដឹងស្រាប់ និងកម្រឃើញ Lee Dong Wook ជួបនឹងពាក្យចចាមអារ៉ាម ដែលធ្វើឲ្យមនុស្សជាច្រើនមានការសង្ស័យថា លោកចេះស្រលាញ់មនុស្សស្រីឬអត់ទេ។

យ៉ាងណាមិញទីបំផុតមិត្តជិតស្និទ្ធរបស់ Lee Dong Wook គឺ Kim Bum បានទម្លាយថា Lee Dong Wook មានកាលវិភាគមមាញឹកដែលគាត់មិនមានពេលទៅជួបនឹងនរណាម្នាក់ទេ។ Kim Bum បាននិយាយបន្ថែមទៀតថា “ជាដំបូង Lee Dong Wook រវល់ពេកមិនអាចឲ្យអ្នកណាជួបបាន ហើយវាពិបាកសម្រាប់ខ្ញុំក្នុងការជួបគាត់ដូចគ្នាផងដែរ។

តារាសម្ដែងប្រុសរូបនេះថែមទាំងបញ្ចាក់ច្បាស់ៗទៀតថា នេះមិនមែនជារឿងបំផ្លើសនោះទេ ព្រោះជាង២០ ឆ្នាំមកនេះ Lee Dong Wook បានរក្សាកាលវិភាគសម្តែងក្នុងរឿងភាគកូរ៉េយ៉ាងតិចមួយក្នុងមួយឆ្នាំ ដោយមិនរាប់បញ្ចូលទាំងពិធីករ និងការងារពាណិជ្ជកម្មទាំងអស់ដែលលោកមាននោះទេ។

ទោះជាយ៉ាងនេះក្តី តារាសម្តែងដ៏មមាញឹករូបនេះ មិនទាន់អស់សង្ឃឹមនៅឡើយទេ។ អ្នកគាំទ្រជាច្រើននៅតែទន្ទឹងរង់ចាំមើលថា តើលោកនឹងជួបនារីណាម្នាក់ណាដោយចៃដន្យ ហើយរៀបការមុនអាយុ ៥០ឆ្នាំក៏ថាបាន៕