ជីវិតកម្សាន្ដ

ម្ចាស់មកុដ ៣ រូប ក្លាយជាគណៈកម្មការ នៃការប្រកួត សម្រស់ MUC 2023

បានផុស

៨ ខែ មុន

នៅ

ថ្ងៃព្រហស្បតិ៍ ៣ សីហា ២០២៣

ដោយ

នារីកំពូលសម្រស់ម្ចាស់ជ័យលាភីដែលជាម្ចាស់មកុដនៃកម្មវិធីបវរកញ្ញា ៣ រូប ដែលសុទ្ធសឹងតែមានទេពកោសល្យ និងសមត្ថភាពជំនាញនៅក្នុងវិស័យមួយនេះ បានត្រៀមខ្លួនរួចជាស្រេច បន្ទាប់ពីត្រូវបានជ្រើសរើសឱ្យក្លាយជាគណៈកម្មការ កម្មវិធីបវរកញ្ញាចក្រវាលកម្ពុជាឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ម្ចាស់មកុដ ៣ រូប ដែលនឹងមកកាន់តំណែងជា គណៈកម្មការដើម្បីផ្ដល់ពិន្ទុចំពោះបេក្ខជនប្រឡងនេះ ត្រូវបានគេមើលឃើញថា ពួកគេពោរពេញដោយសមត្ថភាព និង រូបសម្រស់ស្រស់ស្អាតដូចៗគ្នា ខណៈមានការរំពឹងដែរថាការប្រកួតកម្មវិធី Miss Universe Cambodia 2023 នេះ កាន់តែមានភាពអស្ចារ្យថែមទៀត សម្រាប់អ្នកគាំទ្រ ក៏ដូចជាអ្នកដែលស្នេហាវិស័យបវរកញ្ញានៅកម្ពុជា។

វត្តមានបវរកញ្ញាដែលជាម្ចាស់មកុដទាំង ៣ រូប ដែលត្រូវបានជ្រើសរើសមានដូចជា ៖ ១.ម្ចាស់មកុដ Miss Grand Cambodia ២០២០ កញ្ញា លីវ ជីលី, ទី ២.កញ្ញា ប៉ូគីមថេង សុតធីតា ជាម្ចាស់ជ័យលាភីគ្រងមកុដ Miss Grand Cambodia 2021 និងទី៣. ស្រីស្អាត ឯម គុនថង ជាបវរកញ្ញាម្ចាស់មកុដ Miss Global Cambodia 2022។

យ៉ាងណាមិញ បើយោងតាមបទពិសោធន៍ និងកម្រិតការងារក្នុងវិស័យនេះអ្នកគាំទ្រជឿជាក់ថា វត្តមានបវរកញ្ញាដែលជាម្ចាស់មកុដទាំង ៣ រូប នឹងមានសមត្ថភាពធ្វើបានយ៉ាងល្អក្នុងការជ្រើសរើសបេក្ខភាពដែលមានទេពកោសល្យល្អ។

សូមជម្រាបដែរថា ស្រីស្អាតទាំង ៣ រូប ខាងលើនេះ សុទ្ធតែធ្លាប់បានឆ្លងកាត់ការប្រកួតប្រជែងយ៉ាងស្វិតស្វាញនៅក្នុងកម្មវិធីសម្រស់នៅកម្ពុជា។ មិនតែប៉ុណ្ណោះ ម្ចាស់មកុដ លីវ ជីលី ,ប៉ូគីមថេង សុតធីតា និងឯម គុនថង ក៏បានឆ្លងកាត់ក្នុងការចេញទៅប្រកួតនៅលើឆាកអន្តរជាតិទៀតផង៕

អត្ថបទ ៖ ចាន់រ៉ា