ស្ដាប់ចម្លើយសារភាពជនសង្ស័យលូកស្ទាបដើមទ្រូង ឌីជេ ​សូដា មហាជនសម្ដែងការហួសចិត្ត

នារី​ម្នាក់​ដែលជាប់​សង្ស័យ​ករណីលូកស្ទាបដើមទ្រូង ឌីជេ សូដា (DJ Soda) នៅក្នុងព្រឹត្តិការណ៍មហោស្រពតន្ត្រីទីក្រុង Osaka ប្រទេសជប៉ុន កាលពីសប្ដាហ៍មុន ត្រូវបានប៉ូលិសកោះហៅសួរនាំ ហើយនាងបានរៀបរាប់សកម្មភាពដែលខ្លួនប្រព្រឹត្តនៅថ្ងៃនោះ ខណៈមហាជនដែលបានដឹងចម្លើយជនសង្ស័យរូបនេះ ហាក់ហួសជាខ្លាំងចំពោះទង្វើរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២៥ ខែសីហា ឆ្នាំ២០២៣ កាសែត The Asahi Shimbun ដែលជាកាសែតដ៏ធំបំផុតមួយរបស់ប្រទេសជប៉ុនបានរាយការណ៍ថា ប៉ូលិសក្រុង Osaka កំពុងស៊ើបអង្កេតនារីម្នាក់ពីបទបំពានកេរ្តិ៍ខ្មាស ឌីជេ ​សូដា និងបានទម្លាយចម្លើយសារភាពរបស់ជនសង្ស័យផងដែរ។

នារី​ដែលប៉ូលិសកំពុងស៊ើបអង្កេត ​មិនត្រូវបានបញ្ចេញឈ្មោះនោះទេ ដែលនាង​ជា​បុគ្គលិក​ការិយាល័យ ​វ័យ ២១ឆ្នាំ រស់នៅ​ក្នុង​ខេត្ត Ibaraki ។ ក្រោយសាកសួរ នាងបាន​សារភាព​ថា “​ពេល ឌីជេ សូដា ចូលទៅជិតទស្សនិកជន ខ្ញុំបានស្ទាបសុដន់ខាងស្តាំរបស់នាង។ បន្ទាប់មកខ្ញុំ​រំកិលដៃឡើងលើ​ដើម្បី​ឱប​នាង ហើយ​ថើប​ស្មា​នាង។ ពេលបានឃើញ ឌីជេ សូដា ខ្ញុំចង់ស្ទាបអង្អែលខ្លួនប្រាណនាងណាស់ ហើយវាពិតជាធ្វើឱ្យខ្ញុំមានក្ដីសុខ។”

បន្ទាប់ពីស្ដាប់ចម្លើយសារភាពរបស់ជនសង្ស័យ ទស្សនិកជនបានសម្ដែងការហួសចិត្តជាខ្លាំង និងបានប្រៀបប្រដូចជនសង្ស័យទៅនឹងមនុស្សមានបញ្ហាផ្លូវចិត្ត៕

ប្រែសម្រួល៖ សន្យា

ចុចអាន៖ បទ “Seven” របស់​ Jungkook ត្រូវចោទប្រកាន់ថា លួចចម្លងស្នាដៃពីគេ

ចុចអាន៖ ឌីជេ សូដា ត្រូវគេបំពានកេរ្តិ៍ខ្មាស នៅឯមហោស្រពតន្ត្រី ប្រទេសជប៉ុន