ស្ថានភាព​បច្ចុប្បន្ន​របស់ ឌីជេសូដា ក្រោយឆេះ​សក់អស់ សល់តែក្បាលទំពែក

កាលពីពេលថ្មីៗនេះ ឌីជេ សូដា បានបង្ហោះនូវរូបភាពប៉ុន្មានសន្លឹកនៅលើទំព័រផ្ទាល់ខ្លួន ដែលមានអ្នក Follow ដល់ទៅ ១១លាននាក់។ ឌីជេកូរ៉េរូបនេះបានបញ្ចាក់អំពីស្ថានភាពរបសនាងជាង ២ ខែបន្ទាប់ពីឧប្បត្តិហេតុដ៏គួរឲ្យភ័យខ្លាចនៅក្នុងហាងលាបសក់មួយកន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នោះហើយ តារាស្រីបានចែករំលែករូបថតនៅខាងក្រោយក្បាលរបស់នាង ជាមួយនឹងសារដែលធ្វើឲ្យមនុស្សជាច្រើនព្រួយបារម្ភថា «នេះគឺជាការអាប់ដេតចុងក្រោយរបស់ខ្ញុំ សក់របស់ខ្ញុំនៅតែជ្រុះ ហើយខ្ញុំគិតថាខ្ញុំនៅសល់សក់ប្រហែល ១០% ប៉ុណ្ណោះ។ មានគេនិយាយថាខ្ញុំមើលទៅដូចជាកូនឆ្កែដែលត្រូវគេរំលោភ និយាយតាមត្រង់ទៅ ខ្ញុំមិនដែលគិតថាខ្ញុំជ្រុះសក់ច្រើនបែបនេះទេ មានអ្នកណាខ្លះធ្លាប់ឃើញសក់ខូចយ៉ាងនេះ?»។

យោងតាមរូបភាពដែលបានចែករំលែកដោយឌីជេស្រីវ័យ ៣៧ឆ្នាំ បានបង្ហាញឲ្យឃើញអំពីសក់របស់នាងខ្លី និងរញ៉េរញ៉ៃជាងពេលជួបហេតុការណ៍ដំបូង ដែលបង្ហាញថាស្ថានភាពសក់នេះហាក់មិនធូរស្រាលទេ ប៉ុន្តែកាន់តែអាក្រក់ទៅៗ។ មិនត្រឹមតែប៉ុណ្ណោះ ក្បាលរបស់ឌីជេស្រីមានស្នាមខ្មៅ និងលឿង ដែលមើលទៅពិតជាមិនគួរឲ្យជឿខ្លាំងណាស់។

មិនតែប៉ុណ្ណោះ ឌីជេសូដា បានបង្ហាញអារម្មណ៍ខឹងសម្បារចំពោះហាងកែសម្ផស្ស ដែលធ្វើឲ្យសក់ខូចបែបនេះ។ សូដា បាននិយាយថា «កាលពីពេលថ្មីៗនេះ មានពាក្យចចាមអារ៉ាមចម្លែកថា ខ្ញុំនឹងប្តឹងពួកគេរាប់រយលានដុល្លារ បើគេសងខ្ញុំ តើខ្ញុំអាចធ្វើអ្វីបានទៀត? ខ្ញុំនឹងក្រោកឈរឡើង។ ចុងក្រោយ បើគេទទួលស្គាល់កំហុស និងសុំទោសដោយស្មោះ ខ្ញុំនឹងអត់ទោសឱ្យគេដោយមិនយកមួយកាក់មួយសេន»។

ភ្លាមៗ​ក្រោយ​ពេល​កើតហេតុ ស្ថានភាព​សក់​របស់ DJ ស្រី​រូប​នេះ​បាន​បន្ត​កាន់​តែ​យ៉ាប់​ទៅៗ។ ជារៀងរាល់ថ្ងៃ សក់របស់នាងជ្រុះចេញជាចង្កោមធំៗ ដែលបន្សល់ទុកនូវកន្លែងដែលស្បែកក្បាលមិនអាចជួសជុលជាបណ្ដោះអាសន្នជាមួយនឹងផ្នែកបន្ថែមសក់បានទេ ដោយសារតែសក់បច្ចុប្បន្នរបស់នាងមានប្រវែងត្រឹមតែ ៣មីលីម៉ែត្រ ប៉ុណ្ណោះ។ ឌីជេ សូដា បាននិយាយថា វានឹងចំណាយពេលយ៉ាងហោចណាស់ ២ ឆ្នាំ ដើម្បីស្តារសក់ឡើងវិញ។

ទោះជាយ៉ាងណាក៏ដោយ ឌីជេសូដាបានសារភាពថា ការលាក់ក្បាលទំពែកជារៀងរាល់ថ្ងៃ ធ្វើឲ្យនាងមានអារម្មណ៍បាត់បង់ និងសោកសៅជាខ្លាំង ហើយរាល់ពេលដែលឃើញវីដេអូដែលអ្នកគាំទ្រចែករំលែក រឹតតែធ្វើឲ្យនាងកាន់តែខូចចិត្ត។ ជាពិសេស ពេលចូលរួមក្នុងព្រឹត្តិការណ៍ Louis Vuitton ដែលពេលនោះនាងមានសក់ពណ៌ទង់ដែង ប៉ុន្តែការពិតនៅពីក្រោយវាគឺសក់នៅលើក្បាលរបស់នាងបានបែកខ្ទេចខ្ទី ដោយបន្សល់ទុកនូវតំបន់ទំពែកដ៏ធំមួយ៕

អត្ថបទ៖ សាង ស្រីល័ក្ខ

ចុចអាន៖ត្រចៀកកាំ ធ្លាក់​ដល់​ចំណុចសូន្យ ​បាត់បង់ទ្រព្យ រាប់​លាន​ដុល្លារ ក៏គ្មានលុយកាក់សងបំណុលគេដែរ