ឌីជេ សូដា ត្រូវគេបំពានកេរ្តិ៍ខ្មាស នៅឯមហោស្រពតន្ត្រី ប្រទេសជប៉ុន

កាលពីថ្ងៃទី១៣ ខែសីហា ឆ្នាំ២០២៣ តារាកូរ៉េ Hwang So-hee ដែលគ្រប់គ្នានិយមហៅ DJ Soda បានទម្លាយប្រាប់ទស្សនិកជនថា នាងត្រូវបានគេរំលោភបំពានកេរ្តិ៍ខ្មាស នៅឯមហោស្រពតន្ត្រី Osaka Music Circus ក្នុងប្រទេសជប៉ុន។

តារាស្រីវ័យ ៣៥រូបនេះបានបង្ហោះនៅលើបណ្ដាញសង្គម Instagram បន្ទាប់ពីការសម្តែងរបស់នាងថា ខ្លួនតែងតែព្យាយាមបង្កើតទំនាក់ទំនងជិតស្និទ្ធជាមួយអ្នកគាំទ្រ ក្រោយពេលកម្មវិធីសម្ដែងរបស់នាងបញ្ចប់ម្ដងៗ។ ប៉ុន្តែមានរឿងគួរឱ្យសោកស្ដាយកើតឡើងនៅឯការតន្ត្រីទីក្រុង Osaka បន្ទាប់ពីនាងបានជួបជជែក និងថតរូបជាមួយអ្នកគាំទ្រ ស្រាប់តែមានគេលូកស្ទាបដើមទ្រូងរបស់នាង ហើយនាងបានចាត់ទុកទង្វើនេះជាការបៀតបៀនផ្លូវភេទ។

បន្ថែមពីលើនេះ ឌីជេ សូដា បាន​​និយាយ​ថា​ ប្រឡូកសិល្បៈជាង ១០ឆ្នាំមកហើយ ​នាងមិន​ធ្លាប់ជួប​រឿង​បែប​នេះនោះ​ទេ ហើយនាងពិតជាមានអារម្មណ៍ភ័យខ្លាច ខ្មាសអៀន និងអាម៉ាសខ្លាំងផងដែរ ព្រោះស្ទើរតែមិនជឿថា ឧបទ្ទវហេតុនេះបានកើតឡើងចំពោះនាងឡើយ៕

ប្រែសម្រួល៖ សន្យា

ចុចអាន៖ តារាប្រុស ១០រូប មានប្រជាប្រិយបំផុត ក្នុងចំណោមបុរសស្រឡាញ់ភេទដូចគ្នា

ចុចអាន៖ Kwan ធ្លាប់ចង់បញ្ចប់ជីវិតខ្លួនឯង តែមិនបានសម្រេច ដោយសារបារម្ភពីម្ដាយ