ជីវិតកម្សាន្ដ

សល់ ១ ថ្ងៃ ចេញទៅប្រកួតនៅវៀតណាម ភឹម ស្រីនោ សុំកម្លាំងចិត្តអ្នកគាំទ្រកម្ពុជា

បានផុស

១ ខែ មុន

នៅ

ថ្ងៃចន្ទ ២ តុលា ២០២៣

ដោយ

ម្ចាស់មកុដ Miss Grand Cambodia 2023 កញ្ញា ភឹម ស្រីនោ ខណៈកំពុងត្រៀមខ្លួនចេញទៅប្រកួតលើឆាកអន្តរជាតិនាទឹកដីប្រទេសវៀតណាម នាងបានស្នើសុំឲ្យមានការផ្តល់កម្លាំងចិត្តពីមហាជនអ្នកគាំទ្រ និងប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខស្នើសុំកម្លាំងចិត្តពីសំណាក់បវរកញ្ញាកម្ពុជា ភឹម ស្រីនោ នេះ ធ្វើឡើងមុនពេលមួយថ្ងៃដែលនាងត្រូវធ្វើដំណើរចាកចេញទៅប្រកួតដណ្ដើមមកុដនាប្រទេសវៀតណាម នៅថ្ងៃទី ០៣ ខែតុលា ឆ្នាំ ២០២៣ ស្អែកនេះ។ កញ្ញា ភឹម ស្រីនោ បានបញ្ជាក់ថា នាងនឹងត្រូវចេញដំណើរនៅវេលាម៉ោងប្រមាណ ១ រសៀល ស្អែកនេះ។

កញ្ញា ភឹម ស្រីនោ បានលើកឡើងថា «នៅសល់តែ ១ ថ្ងៃទៀត ដល់ពេលដែលរូបនាងខ្ញុំត្រូវធ្វើដំណើរទៅប្រកួតនៅឯប្រទេសវៀតណាមហើយ សង្ឃឹមថាបងប្អូននឹងជួយជូនដំណើររូបនាងខ្ញុំនៅអាកាសយានដ្ឋានអន្តរជាតិភ្នំពេញ នៅវេលាម៉ោង ១ រសៀលណា៎»។ យ៉ាងណាមុនការចេញដំណើរទៅប្រកួតលើឆាកអន្តរជាតិ ស្រីនោ បានខិតខំហ្វឹកហាត់ដោយយកចិត្តទុកដាក់ និងស្ទាត់ជំនាញ ដើម្បីតំណាងឲ្យកម្ពុជាចូលរួមប្រកួតលើឆាកអន្តរជាតិ Miss Grand International។

សម្រាប់ការចេញទៅប្រកួតរបស់ ភឹម ស្រីនោ នេះ នឹងនាំយកប្រទេសកម្ពុជា ទង់ជាតិកម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជា ទៅបង្ហាញនៅលើឆាកអន្តរជាតិផងដែរ។

ជាការកត់សម្គាល់មុនពេលចេញទៅប្រកួត ភឹម ស្រីនោ បានត្រៀមខ្លួនរួចជាស្រេចពោរពេញដោយភាពជឿជាក់ក្លាហានក្នុងនាមបវរកញ្ញាដែលតំណាងកម្ពុជាចូលរួមប្រកួតលើឆាកអន្តរជាតិឆ្នាំនេះ៕

អត្ថបទ ៖ ចាន់រ៉ា