ជីវិតកម្សាន្ដ

តារាហុងកុង Edison បើកចំហរឿងអាស្រូវរូបអាក្រាតកាយកាលពី ១៥ ឆ្នាំមុន

បានផុស

៣ years មុន

នៅ

ថ្ងៃព្រហស្បតិ៍ ២៣ វិច្ឆិកា ២០២៣

ដោយ

ថ្មីៗនេះតារាហុងកុង Edison Chen និងកូនស្រីបានបង្ហាញខ្លួនក្នុងព្រឹត្តិការណ៍សម្ពោធផលិតផលរបស់ម៉ាកម៉ូដមួយដោយបានទាក់ទាញការតចាប់អារម្មណ៍នឹងរូបភាពបុរសក្នុងគ្រួសារ។ រូបភាពនេះត្រូវបានគេចាត់ទុកថាខុសពីរូបភាពដ៏ល្បីរបស់លោកដែលធ្លាប់មានរឿងអាស្រូវស្នេហាកន្លងមក។

នៅក្នុងបទសម្ភាសន៍រយៈពេល ១៥ នាទីជាមួយប្រព័ន្ធផ្សព្វផ្សាយ តារាសម្ដែងហុងកុងរូបនេះបាននិយាយថា ការងារបច្ចុប្បន្នរបស់លោកគឺត្រូវធ្វើជាឪពុក “ខ្ញុំអាចកំដរកូនរបស់ខ្ញុំជារៀងរាល់ថ្ងៃ។ ខ្ញុំមានអារម្មណ៍ថាសំណាងណាស់សម្រាប់រឿងនោះ” ។ និយាយអំពីជីវិតរៀបការ Edison Chen និយាយថា ការរៀបការជាមួយប្រពន្ធរបស់គាត់ គឺជាការសម្រេចចិត្តដ៏ល្អបំផុតក្នុងជីវិតរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រៅពីជីវិតគ្រួសារ លោក Edison Chen ក៏មិនញញើតនឹងបើកចំហអំពីរឿងអាស្រូវរូបថតដ៏ក្ដៅគគុកកាលពី ១៥ ឆ្នាំមុនដែរ។ តារាសម្ដែងនិងជាអ្នកជំនួញហុងកុងបានចែករំលែកថា៖ “មនុស្សជាច្រើនប្រហែលជាគិតថាហេតុការណ៍ក្នុងឆ្នាំ ២០០៨ គឺជាចុងបញ្ចប់នៃជីវិតរបស់ខ្ញុំ ប៉ុន្តែខ្ញុំមិនបានបោះបង់ ឬបាត់បង់នោះទេ ខ្ញុំគ្រាន់តែជឿជាក់លើខ្លួនឯង ហើយខិតខំធ្វើការ”។

តាមរយៈការចែករំលែករបស់លោក Edison Chen បានធ្វើឲ្យមហាជនជាច្រើនបានបញ្ចេញមតិថា តារាប្រុសរូបនេះពិតជាបានលាលែងពីរឿងអាស្រូវកាលពីអតីតកាលពិតមែន គឺមានភាពចាស់ទុំ និងស្ងប់ស្ងាត់ជាងមុនឆ្ងាយ។ ក្នុងដំណាក់កាលនេះ លោកកំពុងរស់នៅយ៉ាងសាមញ្ញ និងមានសុភមង្គលជាមួយភរិយា និងកូនស្រី៕