ជីវិតកម្សាន្ដ
ស្ដេច Charles ព្រះរាជទានពានរង្វាន់កិត្តិយសដែលមិនមែនគ្រប់គ្នាសុទ្ធតែទទួលបានទៅឲ្យ Blackpink
វិមាន Buckingham ប្រកាសថា ស្តេច Charles បានប្រគល់ពានរង្វាន់មេដាយកិត្តិយស MBEs ដល់ក្រុមតន្ត្រី Blackpink នៅចំពោះវត្តមានរបស់ប្រធានាធិបតីកូរ៉េខាងត្បូង Yoon Suk Yeol ក្នុងដំណើរទស្សនកិច្ចផ្លូវរដ្ឋទៅកាន់ចក្រភពអង់គ្លេស។

ក្នុងអំឡុងពេលពិធីជប់លៀង ស្ដេច Charles ក៏បានថ្លែងសុន្ទរកថាទៅកាន់សមាជិកទាំង ៤ថា “យើងសូមអបអរសាទរដល់ Jennie, Jisoo, Rosé និង Lisa ដែលត្រូវបានគេស្គាល់ថាជា BLACKPINK សម្រាប់តួនាទីរបស់ពួកគេក្នុងការប្រាស្រ័យទាក់ទងនិរន្តរភាពបរិស្ថានទៅកាន់មនុស្សជុំវិញពិភពលោក។ ក្នុងនាមជាទូតសុឆន្ទៈប្រចាំចក្រភពអង់គ្លេស។ ការធ្វើជាប្រធាននៃ COP 26 និងក្រោយមកក្នុងនាមជាអ្នកតស៊ូមតិសម្រាប់គោលដៅអភិវឌ្ឍន៍ប្រកបដោយនិរន្តរភាពរបស់អង្គការសហប្រជាជាតិ យើងកោតសរសើរចំពោះការបន្តយកចិត្តទុកដាក់របស់ពួកគេលើបញ្ហាសំខាន់ៗទាំងនេះ។ និងជាតារាលំដាប់ពិភពលោក”។
ក្រោយមក នៅថ្ងៃទី២២ ខែវិច្ឆិកា ឆ្នាំ ២០២៣ ស្តេច Charle បានប្រគល់បានប្រគល់ពានរង្វាន់កិត្តិយស Member of the Most Excellent Order of the British Empire (MBE) ជូនដល់សមាជិកទាំងបួនរបស់ BLACKPINK ក្នុងតួនាទីរបស់ពួកគេរៀងៗខ្លួន។
ទោះយ៉ាងណាក៏ដោយ BLACKPINK ត្រូវបានគេចាត់ទុកថាជាតារា K-pop ដំបូងគេក្នុងប្រវត្តិសាស្ត្រនៃឧស្សាហកម្មតន្ត្រីពិភពលោកដែលបានទទួលគ្រឿងឥស្សរិយយសនេះ។ ស្របពេលដែល វិចិត្រករលំដាប់ពិភពលោកដែលទទួលបានគ្រឿងតុបតែងលម្អពីរាជវង្ស MBE រួមមាន The Beatles, Adele, Ed Sheeran។ មានតែមនុស្សល្បីៗក្នុងឧស្សាហកម្មភាពយន្តដូចជា Jackie Chan, Anne Hui និងមនុស្សល្បីៗមកពីពិភពកីឡាដូចជា Steven Gerrard, Marcus Rashford, Jimmy White, Mark Williams ជាដើម ដែលបានទទួលពានមួយនេះ។
លើសពីនេះទៀតដែរ អ្នកដែលសមនឹងទទួលបាន ត្រូវតែរួមចំណែកដល់សិល្បៈនិងវិទ្យាសាស្ត្រ ធ្វើការជាមួយអង្គការសប្បុរសធម៌ និងសុខុមាលភាព ឬសេវាសាធារណៈនៅខាងក្រៅសេវារដ្ឋាភិបាល បង្កើតឡើងដោយព្រះអង្គ George V នៃចក្រភពអង់គ្លេសនៅថ្ងៃទី ០៤ ខែមិថុនា ឆ្នាំ ១៩១៧ មាន ៥ កម្រិតគឺ GBE, KBE ឬ DBE, CBE, OBE និង MBE រៀងគ្នា។
សូមបញ្ចាក់ដែរថា Blackpink បានបង្កើតប្រវត្តិសាស្ត្រក្នុងខែកក្កដា ដោយក្លាយជាក្រុម K-pop ដំបូងគេដែលដាក់ចំណងជើងក្នុងមហោស្រពតន្ត្រីដ៏ធំនៅចក្រភពអង់គ្លេស ហើយបានឡើងឆាកនៅឯពិធីបុណ្យរដូវក្តៅ BST Hyde Park នៅកណ្តាលទីក្រុងឡុងដ៍ នៅចំពោះមុខហ្វូងមនុស្សចំនួន ៦៥,០០០ សម្រាប់ការប្រគំតន្ត្រីដែលលក់អស់។ ចាប់តាំងពីការបង្ហាញខ្លួនដំបូងរបស់ពួកគេក្នុងឆ្នាំ ២០១៦ Blackpink បានក្លាយជាក្រុមចម្រៀងនារីដ៏ជោគជ័យបំផុតមួយនៅក្នុងពិភពលោក ដោយបំបែកឯកទកម្មដូចជាការក្លាយជាអ្នកជាវតន្ត្រីច្រើនបំផុតនៅលើ YouTube ៕


ប្រែសម្រួល៖ សាង ស្រីល័ក្ខ
ប្រភព៖CNA
ចុចអាន៖លេចមុខក្រុម BLACKPINK ក្នុងពិធីជប់លៀងដែលរៀបចំដោយស្តេច Charles

-
ព័ត៌មានអន្ដរជាតិ១៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?