មេធំ Bulgari អបអរដល់ Lisa ដែលចុះកុងត្រាថ្មីជាមួយ YG

បន្ទាប់ពីរង់ចាំភាពច្បាស់លាស់អស់រយៈពេលជាយូរ បុគ្គលល្បីៗនិងអ្នកគាំទ្រនៅជុំវិញពិភពលោកបានសម្រុកចូលរួមអបអរសាទរ ចំពោះកិច្ចសន្យាថ្មីរវាងក្រុម BLACKPINK និងផលិតកម្ម YG Entertainment បើទោះបីជាកិច្ចសន្យាបុគ្គល​ កំពុងត្រូវបានចរចារយ៉ាងណាក៏ដោយ។

មួយក្នុងចំណោមអ្នកទាំងនោះរួមមានដូចជា៖ Jean-Christophe Babin នាយកប្រតិបត្តិនៃ Bulgari ដែលជាម៉ាកគ្រឿងអលង្ការលំដាប់ខ្ពស់និងត្រូវបានគេស្គាល់យ៉ាងច្បាស់ថា JC Babin។

លោក JC Babin បានបង្ហោះសារអបអរសាទរនៅលើ Instagram ដោយបញ្ជាក់ថា “នេះគឺជាសុភមង្គលដ៏អស្ចារ្យ និងមានអារម្មណ៍រំភើបខ្លាំងណាស់ ដែល​បាន​ឮ​ដំណឹង​ពី​ក្រុម​ចម្រៀង​ស្រី BLACKPINK។ នៅពេលអនាគត ជាមួយនឹងការចុះហត្ថលេខាលើកិច្ចសន្យាថ្មី។ តាងនាមឲ្យ BVLGARI យើងរីករាយជាមួយនឹងជំហានឆ្ពោះទៅមុខថ្មីនេះសម្រាប់ទូតម៉ាកយីហោសកលរបស់យើង Lisa ដែលបានសម្រេចចិត្តបោះជំហានទៅមុខដ៏សំខាន់មួយក្នុងការបង្កើត​ និងជំរុញឧស្សាហកម្ម K-pop ដល់​កម្រិត​ខ្ពស់​ជាង​មុន”។

យ៉ាងណាមិញ ក្រោមការសាទរពីមេធំរបស់ប្រេន​ Bulgari ក្នុងនោះទស្សនិកជនទូទាំងពិភពលោកបានចូលទៅអមដំណើរអបអរជាមួយហើយក៏ជាពេលមួយដែលមនុស្សគ្រប់គ្នាបានរង់ចាមមកជាយូរដែរសម្រាប់កុងត្រារបស់ក្រុម BLACKPINK។

សូមបញ្ចាក់ដែរថា កាលពីថ្ងៃទី០៦ ខែធ្នូ ផលិតកម្ម YG Entertainment បានប្រកាសថា “បន្ទាប់ពីការពិភាក្សាយ៉ាងយកចិត្តទុកដាក់ និងផ្អែកលើការជឿជាក់យ៉ាងមុតមាំ យើងបានចុះហត្ថលេខាលើកិច្ចសន្យាផ្តាច់មុខសម្រាប់សកម្មភាពក្រុមជាមួយ BLACKPINK ហើយគ្រោងនឹងតបស្នងនូវក្តីស្រឡាញ់របស់អ្នកគាំទ្រនៅជុំវិញពិភពលោកតាមរយៈសកម្មភាពជាសកលរបស់ពួកគេ រួមទាំងការចេញអាល់ប៊ុមថ្មី និងដំណើរទេសចរណ៍ពិភពលោកដ៏ធំ។ ទាំងអស់នេះត្រូវបានគាំទ្រដោយ YG ដោយអស់ពីចិត្ត”៕

ប្រែសម្រួល៖ សាង ស្រីល័ក្ខ

ប្រភព៖LINE

ចុចអាន៖Jisoo បង្ហោះអបអរ ក្រោយ YG ប្រកាសបន្តកុងត្រាថ្មីរបស់ BLACKPINK