ជីវិតកម្សាន្ដ

ដើរលេងអូស្ត្រាលីជើងនេះ Kwan ប៊ិះនឹងបាត់បង់វត្ថុសំខាន់ដោយមិនខ្លួន

បានផុស

៥ ខែ មុន

នៅ

ថ្ងៃសុក្រ ២៦ មករា ២០២៤

ដោយ

តារាសម្ដែងដ៏ប៉ិនប្រសប់ Kwan Usamanee បានបង្ហោះនូវឃ្លិបនៃដំណើរកម្សាន្តវិស្សមកាលរយៈពេលវែងទៅកាន់ប្រទេសអូស្ត្រាលី ប៉ុន្តែអ្វីមួយបានធ្វើឲ្យបានចងចាំមិនភ្លេចនោះគឺ នាងបាត់បង់វត្ថុសំណព្វចិត្តដែលមានអនុសាវរយីរ៍យ៉ាងច្រើនជាមួយវា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះលើគណនី Instagram ផ្ទាល់ខ្លួនរបស់តារាសម្ដែង Kwan Usamanee បានចែករំលែកអារម្មណ៍មួយដ៏ពិបាកជាមួយអ្នកគាំទ្រ នោះគឺបទពិសោធន៍នៃធ្វេសប្រហែសរហូតធ្វើឲ្យបាត់បង់កាំមេរ៉ា។ ប៉ុន្តែក្រោយមកនាងស្រាប់តែយកមកវិញ ដោយសារតែចិត្តសប្បុរសរបស់ពលរដ្ឋនៅតំបន់នោះ។

ក្នុងនោះតារាសម្ដែងកូនកាត់២សាសន៍ Kwan បានរៀបរាប់លម្អិតរឿងរ៉ាវមួយនេះតាមរយៈ Caption ក្រោមការបង្ហោះថា “ហេតុការណ៍នេះបានកើតឡើងដោយសារតែថ្ងៃនេះ Kwan ចង់ឲ្យបង Nat នាំ Kwan ទៅមើលសួនផ្កាកូលាបតាមរថភ្លើង។ ទីបំផុត Kwan បាត់កាមេរ៉ាដោយសារតែធ្វេសប្រេហែសពេក! ក្នុងកាំមេរ៉ានោះមានរូបភាពក្រុមការងារ រូបភាពខ្ញុំនិងរូបភាពសំខាន់ៗជាច្រើន រូបភាពស្ទើរតែទាំងអស់នៅទីនោះ ហើយវាបានបាត់ទៅជិតកន្លះថ្ងៃនៅតែរកមិនឃើញ”។

ជាមួយគ្នានោះដែរ តួឯកស្រីក្នុងរឿងភាគថៃ “កលល្បិចស្នេហ៍” បានបញ្ចាក់បន្ថែមទៀតថា ក្រោយមកមិនដឹងជាមនុស្សល្អណាទេ នៅសុខៗបានយកកាំមេរ៉ាមកដល់ទីតាំងពួកយើងវិញ Kwan មិនស្គាល់គាត់ ប៉ុន្តែចង់អរគុណគាត់ដោយផ្ទាល់។ គាត់មានទឹកចិត្តល្អ ដែលយករបស់នេះមកឲ្យពួកយើងវិញ។

ជាចុងក្រោយនេះ នាងក៏បានអរគុណដល់ក្រុមការងារដែលមកកាន់ទឹកដីអូស្ត្រាលី ហើយថែមទាំងបានជួយរកកាំមេរ៉ានេះយ៉ាងសស្រាក់សស្រាំហត់នឿយជាមួយគ្នា។ បើមិនបានពួកគេខិតខំស្វាត់ស្វែងរកទេ ម៉្លេះសមនាងបាត់បង់របស់ជាទីស្រលាញ់ចោលទទេរក្នុងប្រទេសគេហើយ។ នេះជាសំណាងល្អ ដែលប្រជាជននៅទីនោះមានទឹកចិត្តល្អ ហើយជួយដោយមិនបញ្ចេញមុខថែមទៀត៕