“​កោះ​អ្វី​?” បទថ្មី ខេ​ម និង តន់ ចន្ទ​សី​ម៉ា ទេសភាព​កោះសង្សារស្អាតត្រជាក់ភ្នែកកប់​

​នៅព្រឹកនេះ ផលិតកម្ម Galaxy Navatra បទថ្មីមួយបទទៀត ហើយច្រៀងដោយ ខេ​ម និង តន់ ចន្ទ​សី​ម៉ា ដែលបង្ហាញពីទេសភាពស្អាតត្រជាក់ភ្នែករបស់កោះសង្សារ ដែលជាកោះ​ឋានសួគ៌ រ៉ូ​មែនទិច នៃទឹកដីរបស់ប្រទេសកម្ពុជា​។

​បទចម្រៀងថ្មីនោះមានចំណងជើងថា “​កោះ​អ្វី​?” ដែលនិពន្ធ​Melody និង ទំនុកច្រៀងដោយ ឡេង ណា​វ៉ា​ត្រា និពន្ធ​បទ​ភ្លេងដោយ ប្រុស ម៉ៅ សម្រួល​តន្ត្រីដោយ Numan ដឹកនាំ​សម្តែង​ដោយ Kate ថត និង​កាត់ត​ដោយ Bannie​ រៀបចំ​ការផលិត ដោយ Manuth​។

​កោះ​សង្សារ ត្រូវបានគេដឹងថា ស្ថិតនៅកោះរ៉ុង ភាគនិរតី​នៃ​តំបន់ឆ្នេរសមុទ្រ​កម្ពុជា មាន ទេសភាពខ្សាច់សក្បុស ហ៊ុមព័ទ្ធផ្ទះឈើប្រក់ស្បូវប្រណីត បានក្លាយជាឋានសួគ៌ពិតរបស់ភ្ញៀវ ទេសចរនោះ គឺជារមណីយដ្ឋានកោះសង្សារ ដែលផ្សារភ្ជាប់​នឹងគម្រោងអភិរក្សធម្មជាតិ ជីវចម្រុះ និង សត្វព្រៃ​។ វាមានចម្ងាយ២៩​គីឡូម៉ែត្រ ពីកំពង់ផែខេត្តព្រះសីហនុរមណីយដ្ឋាននេះ មាន បុគ្គលិកផ្ទះបាយអ្នកច្នៃ​ម៉ូដអគារ និង មគ្គុទ្ទេសក៍សុទ្ធតែលំដាប់ផ្កាយ​។ ភ្ញៀវដែលប្រាថ្នាមក កម្សាន្តនៅទីនេះ អាចធ្វើដំណើរតាមទូក ឬក៏ឧទ្ធម្ភាគចក្រក៏បាន​។ ដូចដែលប្រិយមិត្តបាន ជ្រាបស្រាប់ហើយថា ជាមួយនិងការសម្រុកផលិតអាល់​ប៊ុ​មចូលឆ្នាំថ្មីនេះ ផលិតកម្ម Galaxy Navatra ត្រូវបានគេមើលឃើញថា គ្រប់M V​នៃបទចម្រៀងបានឲ្យក្រុមផលិតចុះទៅថត នៅ តំបន់ទេសចរណ៍ជាច្រើនក្នុងន័យ ដើម្បីផ្សារភ្ជាប់ជាមួយរមណីយដ្ឋាននានា នៅព្រះរាជា អាណាចក្រកម្ពុជា ជំរុញកំណើនទេសចរណ៍ ក្នុងស្រុកឲ្យកាន់តែទទួលបានការគាំទ្រច្រើន​។​

​ចង់ដឹងថាបទ ថ្មី​”​កោះ​អ្វី​?” របស់ ខេ​ម តន់ ចន្ទ​សី​ម៉ា មានអត្ថន័យហើយមានទេសភាពស្រស់ ស្អាតកម្រិតណាសូមទស្សនាទាំងអស់គ្នា៖​