ជីវិតកម្សាន្ដ

ខាត់ សុឃីម មានបំណងចង់ធ្វើកម្មវិធីឃោសនាបំផុសយុវជនឲ្យចូលរៀនសាលាវិចិត្រសិល្ប:

បានផុស

២ ខែ មុន

នៅ

ថ្ងៃអាទិត្យ ១៧ មីនា ២០២៤

ដោយ

តារាស្រីពហុជំនាញអ្នកនាង ខាត់ សុឃីម កាលពីថ្មីៗកន្លងទៅនេះបានបង្ហាញពីឆន្ទៈរបស់ខ្លួនក្នុងធ្វើកម្មវិធីឃោសនាដើម្បីចូលរួមបំផុសដល់យុវជនកូនខ្មែរឲ្យចូលហាត់រៀននៅសាលាវិចិត្រសិល្បៈខណៈ បំណងនេះទទួលបានការគាំទ្រច្រើនពីមហាជន។

អ្នកនាង ខាត់ សុឃីម កន្លងមកក៏បានដាស់តឿនដល់យុវជនជំនាន់ក្រោយៗគួរតែហាត់ភ្លេ ងចំរៀងបុរាណយ៉ាងហោចណាស់បាន១ ឧបករណ៍បណ្ដុះចិត្ដឲ្យស្រឡាញ់ រនាត គង ស្រឡៃ ខ្លុយ ស្គរ ទ្រ តាខេ ឃឹម ស្រឡាញ់ច្រៀង អាយ៉ៃ យីកេ ល្ខោន ចាប៉ី ឆៃយ៉ាំ កន្តឹមជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីត្រកូលខាត់អ្នកនាង ខាត់ សុឃីម បានប្រកាសពីឆន្ទៈរបស់ខ្លួនថា ចង់ធ្វើកម្មវិធីឃោសនាឱ្យក្មេងៗចូលរៀនសាលាវិចិត្រសិល្បៈតើមានបងប្អូនចូលរួមទេ? ។ជាមួយគ្នានេះតារាសម្តែងលោក អ៊ុន សិទ្ធា ក៏បានបង្ហាញឆន្ទៈគាំទ្រដែរថា “ខ្ញុំសូមចូលរួមដែរបងស្រីដើម្បីគុណ ភាពកុំឲ្យមានតែបរិមាណពេក”។

គួរកត់សម្គាល់ថា តារាស្រីរូបនេះគេសង្កេតឃើញថា កន្លងមកអ្នកនាងតែងចេញមុខព្រួយបារម្ភពាក់ព័ន្ធលើការបាត់បង់វិស័យសិល្ប:បុរាណមួយចំនួន។ ខា ត់ សុឃីម ក៏ជាអ្នកសិល្បៈដែលមានជំនាញលេងសិល្បៈបានគ្រប់ទម្រង់ទាំងបុរាណ សម័យ កំប្លែង និងបទចម្រៀងភ្លេងការជាដើម។ចំណុចទាំងនេះត្រូវបានអ្នកគាំទ្រយល់ថា អ្នកនាង ខាត់ សុឃីម គឺជាបុគ្គលគំរូល្អស ម្រាប់សង្គមពិសេសយុវជនខ្មែរ៕

អត្ថបទ៖ ចាន់រ៉ា