រំជួលចិត្ត! លោក សុង សុវណ្ណារ៉ា បានហៅក្មេងប្រុសម្នាក់ ឡើងជិះឡាន ដោយក្ដីអាណិត

កាលពីថ្មីៗនេះ វីដេអូមួយ ដែលបានបង្ហោះទៅក្នុងបណ្ដាញសង្គម ដោយ លោក សុង សុវណ្ណារ៉ា បានធ្វើឲ្យមហាជនរំជួលចិត្តស្ទើស្រក់ទឹកភ្នែក។ ជាមួយគ្នានេះដែរ នៅក្នុងកម្មវិធី Gumble 3000 ដែលបានប្រារព្ធឡើងកាលពីថ្ងៃទី១៥ កញ្ញា កន្លងទៅនេះ លោក សុង សុវណ្ណារ៉ា ក៏បានចូលរួមបង្ហាញឡានទំនើបផងដែរ។

អ្វីដែលគួរឲ្យចាប់អារម្មណ៍នៅក្នុងវីដេអូបង្ហោះរបស់លោកនោះគឺ លោកបានឃើញក្មេងប្រុសម្នាក់ ឈរមើលឡាន កណ្ដោចកណ្ដែងម្នាក់ឯង សូម្បីតែស្បែកជើងក៏គ្មានពាក់។ ដោយក្ដីអាណិត លោក និង ភរិយា អ្នកនាង ផន សុផារី ឃើញដូចនេះ ក៏បានស្រែកហៅ ក្មេងប្រុសកម្សត់រូបនោះ ហើយក៏បានទៅដឹកដៃមក ប្រាប់ក្មេងនោះថា ឲ្យចូលសាកជិះឡានបន្ដិចមក។

បើក្រឡេកទៅមើលទឹកមុខក្មេងប្រុសរូបនេះវិញ ដំបូងគ្នាចង់រត់បន្ដិចអីបន្ដិច ដោយហេតុមានការខ្លាច និង ស្មានតែហៅដេញ ប៉ុន្ដែក្រោយអ្នកនាង​ ផង សុផារី ទៅនាំយកមក ជិះដល់ក្នុងឡាន ទឹកមុខអាអូនតូចនេះ ក៏ប្រែជាស្នាមញញឹមបិទមាត់មិនជិត ប្រៀបដូចជាបានសម្រេចបំណងខ្លួន។

ជាពិសេស នៅក្នុងខេបសិនបានសរសេរថា ខ្ញុំយល់អារម្មណ៍នេះ I know your feeling ដែលចង់បង្ហាញថា លោកយល់អារម្មណ៍ ដែលបានត្រឹមតែឈរមើល មិនហ៊ានប៉ងប្រាថ្នា។ ប៉ុន្ដែលោក សុវណ្ណារ៉ា ក៏បានធ្វើឲ្យក្ដីស្រម៉ៃរបស់អាអូនប្រុស ក្លាយជាការពិត ដោយបានអង្គុយក្នុងឡានទំនើបនេះ។

តាមរយៈសកម្មភាពបែបនេះ មហាជនដែលលេងបណ្ដាញសង្គម ឃើញហើយ ផ្ទុះការសរសើរទៅកាន់ទឹកចិត្ត អ្នកទាំងពីរជាខ្លាំង ដែលមានសណ្ដានចិត្តល្អ និង មិនមានការរើសអើងទៅលើកុមារាម្នាក់នេះ ថែមទាំងបង្ហាញក្ដីអាណិតទៀតផង៕

ប្រភព៖ Song sovannara សុង សុវណ្ណារ៉ា 

សូមចុចមើលវីដេអូតាមរយៈលីងខាងក្រោមនេះ៖

https://www.facebook.com/share/v/YWyBB3MHvexhUGVA