ជូរី ល្អហួស ក្លាយជាគណៈកម្មការដាក់ពិន្ទុ Miss Preteen International Cambodia 2024

បវរកញ្ញាវ័យក្មេង ជូរី ល្អហួស ដែលជាម្ចាស់មកុដ Miss Preteen Junior Idol World 2024 ខណ:ដែលការងារសិល្ប: និងកិច្ចការជួយសង្គមកំពុងលេចធ្លោផងនោះ តារាស្រីវ័យក្មេងរូបនេះ ក្តាប់បានឱកាសជាគណៈកម្មការក្នុងការដាក់ពិន្ទុក្នុងការប្រឡង Miss Preteen International Cambodia 2024។

ទន្ទឹមនឹងការប្រកាសត្រៀមខ្លួនធ្វើជាគណៈកម្មការក្នុងការដាក់ពិន្ទុ ក្នុងការប្រឡង Miss Preteen International Cambodia 2024 ជូរី ល្អហួស ទទួលបានការអបអរសាទរ និងលើកទឹកចិត្តច្រើន ពីសំណាក់អ្នកគាំទ្រ បើទោះបីជាក្នុងនោះ មានបុគ្គលបញ្ចេញមតិសួរនាំ បែបមិនជឿជាក់លើសមត្ថភាពម្ចាស់មកុដរូបនេះក៏ដោយ។

ជាមួយគ្នានោះដែរ ជូរី ល្អហួស ក៏បានបេ្តជ្ញាដែរថា ក្នុងនាមខ្លួនជាគណៈកម្មការក្នុងការដាក់ពិន្ទុ Miss Preteen International Cambodia2024 ខ្លួនដាក់ពិន្ទុយ៉ាងសុក្រឹតបំផុតចំពោះបវកញ្ញាដែលមានសមត្ថភាពពិតប្រាកដ។

កម្មវិធីប្រកួត Miss Preteen International Cambodia 2024 បច្ចុប្បន្ន កំពុងតែដំណើរការជ្រើសរើសបេក្ខភាពកុមារីតំណាងឲ្យខេត្តក្រុងនានា ដែលស្ថិតក្នុងវគ្គជម្រុះតាមរយៈរូបថត online លើកដំបូង ខណ:មានបេក្ខភាពកុមារីជាច្រើននាក់ បានដាក់ពាក្យចូលប្រកួតដណ្តើមមកុដមួយនេះផងដែរ។

គួររម្លឹកថា ជូរី ល្អហួស ធ្លាប់ជាយុវតីកម្ពុជាមួយរូប ដែលអាចដណ្តើមមកុដ ពីការប្រកួតលើឆាកអន្តរជាតិ ក្នុងវគ្គផ្តាច់ព័្រត្រកាលពីរាត្រីថ្ងៃទី៣១ ខែមីនា ឆ្នាំ២០២៤ លើទឹកដីប្រទេសថៃ។ ជ័យជំនះគ្រានោះ បានធ្វើឲ្យអ្នកគាំទ្រជាច្រើនសម្តែងការកោតសរសើរចំពោះសមត្ថបភាព ជូរី ល្អហួស ៕

អត្ថបទ៖ ចាន់រ៉ា