ឧកញ៉ា ខេមរ: សិរីមន្ត ថា ពីតូចដល់ធំ លោកមិនចេះមើលងាយគេឡើយ ហើយធ្វើអ្វីគឺតស៊ូដោយសមត្ថភាព

កំពូលតារាចម្រៀងឧកញ៉ា ខេមរ: សិរីមន្ត បានរៀបរាប់ថា ជាចរិតរបស់លោកតាំងតែពីក្មេងរហូតមកដល់ពេលឥឡូវ គឺលោកមិនចេះមើលងាយចំពោះអ្នកដទៃនោះទេ គឺខំប្រឹងតស៊ូដោយសមត្ថភាពខ្លួនឯង។

ជាការពិតបន្ទាប់ពីដាក់ខ្លួនប្រឡូកចូលក្នុងវិស័យសិល្ប:ផ្នែកចម្រៀយូរឆ្នាំកន្លងមកនេះ កំពូលតារាចម្រៀង ឧកញ៉ា ខេមរ: សិរីមន្ត ក្តោបបានទីផ្សារអ្នកគាំទ្រយ៉ាងច្រើនក្រាស់ក្រែល ពីសំណាក់មហាជននិងមិត្តៗយុវវ័យ ដែលជាឱកាសកើបលុយបានពីអាជីពមួយនេះរាប់លានដុល្លារ។ ម្យ៉ាងទៀត ដោយចូលរួមកិច្ចការងារជួយសង្គម តារាចម្រៀងរូបនេះ ក៏មានរាសីក្លាយជាឧកញ៉ាដូចពេលបច្ចុប្បន្ន។

តារាចម្រៀងលំដាប់ប្រទេស ខេមរ: សិរីមន្ត បានឲ្យដឹងថា ពីតូចដល់ធំស៊ូមករហូតមកទល់ពេលនេះ ក៏នៅតែកំពុងតែប្រឹងស៊ូប្រើសមត្ថភាពរកកម្រៃតាមលទ្ធភាព បើលើសហួសពីសម្ថភាពពេក ក៏មិនហ៊ានទទួលដែរ នេះជាចរិតរបស់លោក។ លោកបញ្ជាក់ទៀថា ហើយលោកក៏មិនធ្លាប់មើលងាយលើអ្នកណាឡើយ។

លោក ខេមរ: សិរីមន្ត កន្លងមក ក៏វធ្លាប់បានលើកឡើងបីចំណុចធំៗ ឱ្យអ្នកគាំទ្របានដឹងពីទស្សនៈរបស់លោក ដែលតែងផ្តោតលើផងដែរ ដោយទី១ គឺអតីតភាពរបស់យើង យើងធ្វើវាបានល្អហើយឬនៅ? ទី២ បច្ចុប្បន្នភាពយើង កំពុងតែធ្វើបានល្អហើយឬនៅ? និងទី៣ អនាគតរបស់យើង យើងបានត្រៀមអ្វីល្អៗសម្រាប់ធ្វើនៅពេលៗវេលានោះមកដល់ហើយនៅ?

តាមរយ:ទស្សនៈនៃខ្លឹមសារនេះ ត្រូវបានគេចាត់ទុកថា ជាជោគជ័យដ៏ធំធេងរបស់តារាចម្រៀងចាស់វស្សារូបនេះ នៅលើវិថីសិល្ប:ដែលតារាប្រុស-ស្រីក្មេងៗជំនាន់ក្រោយពិបាកនឹងតាមទាន់លោក ឬអាចឈោងចាប់ឱកាសនេះបាន។ ក្រៅតែពីជោគជ័យលើសិល្ប: កន្លងមកតារាចម្រៀងសិរីមន្ត ក៏លេចមុខមាត់លើវិនិយោគលើវិស័យអចលនទ្រព្យទទួលបានផ្លៃផ្កាទទឹមគ្នាផងដែរ៕ អត្ថបទ៖ ចាន់រ៉ា