ធ្លាប់តែគិតថា ខ្លួនឯងនៅម្នាក់ឯងមួយជីវិតហើយ តែ Um Ki Joon បែរមកជួបគូព្រេងនៅអាយុ48ឆ្នាំ

ប្រសិនបើទស្សនិកជន ធ្លាប់បានទស្សនារឿងភាគកូរ៉េដ៏ល្បីល្បាញ ដែលមានចំណងជើងថា The Penthouse ដែលរឿងនេះ បន្ដមានរហូតទៅដល់៣វគ្គ អ្នកប្រាកដជាស្គាល់ តារាប្រុសរូបនេះ ច្បាស់ហើយ ដែលលោក Um Ki Joon សម្ដែងជាតួអង្គចិត្តអាក្រក់ (Villain) ហើយក៏ល្បីល្បាញខ្លាំងដោយសាររឿងនេះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ មហាជនមានការភ្ញាក់ផ្អើល ដោយ តារាសម្ដែងជើងចាស់ លោក Um Ki Joon បានប្រកាសចូលរោងការឆាប់ៗនេះហើយ។ គួរបញ្ជាក់ដែរថា លោក​មានអាយុ៤៨ឆ្នាំហើយ លោកក៏ធ្លាប់និយាយដែរថា លោកមិនគិតថាខ្លួនបានជួបស្នេហ៍ពិតនោះទេ កន្លងមកលោកធ្លាប់តែគិតថា ខ្លួននឹងចំណាយជីវិតមួយនេះ រស់នៅតែម្នាក់ឯង។

យ៉ាងណាមិញ លោកបានសរសេរសារថា “ខ្ញុំ​គិត​ថា​ខ្ញុំ​នឹង​មិន​មាន​ឱកាស​ជួប​មនុស្ស​ដែល​ខ្ញុំ​នឹង​ចំណាយ​ពេល​ពេញ​មួយ​ជីវិត​ជាមួយ​នោះ​ទេ។ ទោះយ៉ាងណាក៏ដោយ ខ្ញុំបានជួបមនុស្សដែលមានចិត្តកក់ក្តៅ និងគិតគូរយ៉ាងជ្រាលជ្រៅ ហើយយើងបានសម្រេចចិត្តចាប់ផ្តើមជំពូកថ្មីជាមួយគ្នាតាមរយៈអាពាហ៍ពិពាហ៍”។

ជាមួយគ្នានេះដែរ ពិធីមង្គលការរបស់តារាប្រុសរូបនេះ នឹងប្រព្រឹត្តិឡើងនៅចុងខែធ្នូ ឆាប់ៗខាងមុខនេះហើយ ជាមួយនឹងកូនក្រមុំដ៏ស្រស់ស្អាតម្នាក់៕