បង្ហើបក្បាល MV បទថ្មីទៀតហើយ កំពូលតារាចម្រៀង ព្រាប សុវត្ថិ ស្ដាប់ហើយចង់រាំតាម

សំឡេងដ៏ក្រអួន អមដោយកាយវិការស់រវើករបស់តារាចម្រៀងជើងចាស់ ព្រាប សុវត្ថិ នៅក្នុងMV បទថ្មី “កុលាបមានបន្លា” ដែលមិនទាន់ចេញផ្លូវការ ហើយទើបត្រូវបានគេទន្លាយចេញនូវឈុតខ្លះៗតាមបណ្ដាញសង្គមទទួលបានការចាប់អារម្មណ៍ខ្លាំងពីហ្វេនៗ ដែលស្ដាប់ហើយចង់រាំតាម។

ទន្ទឹមនឹងពាក្យសំណូមពរពីហ្វេនៗមួយចំនួនថា “ចង់ប្ដូរអ្នកនិពន្ធ និងដឹកនាំសម្ដែងថ្មី ដើម្បីIDOL បញ្ចេញសមត្ថភាពអស្ចារ្យរបស់ខ្លួនខាបយកបេះដូងអ្នកគាំទ្រកាន់តែច្រើននោះ សម្រាប់អ្នកគាំទ្រមួយចំនួននៅតែកោតសរសើរនូវទឹកដមសំឡេង និងកាយវិការសម្ដែងដ៏រស់រវើករបស់កំពូលតារាចម្រៀង ព្រាប សុវត្ថិ។ អ្នកខ្លះថា IDOL នៅតែអេម សំឡេងពីរោះ ត្រូវចិត្ដយុវវ័យ ហើយតាមរយៈបទថ្មីនេះនឹងធ្វើឲ្យហ្វេនៗកាន់តែពេញចិត្ដ។

MV បទថ្មី “កុលាបមានបន្លា” ត្រូវបាននិពន្ធ និងផលិតឡើងដោយផលិតកម្ម Galaxy ដែលច្រៀង និងសម្ដែងផ្ទាល់ដោយតារាចម្រៀងប្រុស ព្រាប សុវត្ថិ។ ខាងក្រោមនេះជាវីដេអូចម្រៀងដែលឧកញ៉ា ព្រាប សុវត្ថិ ទម្លាយដោយផ្ទាល់នៅលើបណ្ដាញសង្គមរបស់លោក ហើយទទួលបានការចាប់អារម្មណ៍ច្រើនពីមហាជន៕