ឆ្នាំថ្មី ២០២៥ អុីណូ នឹងផ្តើមនិពន្ធបទដោយខ្លួនឯង ក្នុងបំណងដើម្បីបន្តលើកប្រជាប្រិយភាពខ្លួន ក្នុងចិត្តអ្នកគាំទ្រ

ម្ចាស់បទ “អូនកុំយំកុំយំ” លោក សាន ពេជ្រសុភារិទ្ធ ហៅ អុីណូ ក្រោយស្ងប់ស្ងាត់ចេញបទចម្រៀងមួយរយ: ស្រាប់តែចេញមកបង្ហាញការតាំងចិត្ត ឱ្យសាធារណជនពិសេសអ្នកគាំទ្រ បានជ្រាបថា លោកនឹងមានការងារខ្លួនឯង និពន្ធបទចម្រៀងដោយខ្លួនឯង ក្នុងន័យដើម្បីលើកប្រជាប្រិយភាពរបស់ខ្លូន លើវិថីសិល្បៈ ក្នុងឆ្នាំថ្មី ២០២៥ ខាងមុខនេះ។

ក្នុងអាជីពចម្រៀងជិត ២០ឆ្នាំ តារាចម្រៀងមាឌធំដំបងលោក អុីណូ ធ្លាប់បើកកកាយរឿងរ៉ាវផ្ទាល់ខ្លួន ចាប់តាំងពីចូលសិល្ប:ដំបូងមកទល់ពេលបច្ចុប្បន្នថា លោកចូលសិល្ប: គឺគ្មានខ្សែឬអ្នកនៅជ្រោមជ្រែងពីក្រោយខ្នងទេ គឺបានមកដោយសារការគាំទ្ររបស់មហាជននិងការខំប្រឹងខ្លួនឯងប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិនទំនងដោយសារតែមួយរយ:ចុងក្រោយនេះលោក អុីណូ ហាក់ពុំសូវមានបទចម្រៀងផ្ទាល់ខ្លួនចេញលើទីផ្សារដូចតារាសិល្ប:រួមអាជីពផ្សេងៗទៀត ទើបលោកបានសម្រេចចាប់ផ្ដើម​និពន្ធបទដោយខ្លួនឯង ដើម្បីបំពេញតម្រូវការនិងបំពេរអារម្មណ៍អ្នកគាំទ្រជាបន្តទៀត។

លោក អុីណូ បានបញ្ជាក់ជំហររបស់ខ្លួនថា “ឆ្នាំថ្មី២០២៥ មានការងារខ្លួនឯង និពន្ធបទខ្លួនឯង លើកខ្លួនឯង ប្រឹងខ្លួនឯង គោរពអរគុណពុកម៉ែបងប្អូនដែលធ្វើ ឱ្យ ENO មានថ្ងៃនេះ”។ នេះជាជំហ៊ានថ្មីមួយទៀត របស់លោក អុីណូ ដែលចាប់ផ្តើមវិវត្តន៍ខ្លួនឯងតាមរយ:ការចេញនិពន្ធនិងច្រៀងដោយខ្លួនឯងបន្ទាប់ពីបាត់មួយរយ:៕ អត្ថបទ៖ ចាន់រ៉ា