ជីវិតកម្សាន្ដ

លោក ហួរ ឡាវី អុជទៀនបំភ្លឺមុខផ្ទះទន្ទឹងរង់ចាំភរិយាត្រឡប់មកវិញរាល់យប់

បានផុស

៥ years មុន

នៅ

ថ្ងៃពុធ ២៤ មីនា ២០២១

ដោយ

គិតរហូតមកទល់ពេលនេះ ភរិយារបស់តារាចម្រៀងជើងចាស់លោកគ្រូ ហួរ ឡាវី បានទទួលមរណភាពជិត១សប្តាហ៍ទៅហើយដោយសារជំងឺកូវីដ -១៩។

ការស្លាប់ភរិយារបស់លោកគ្រូ ហួរ ឡាវី និងត្រូវជាម្តាយតារាស្រី វី ឌីណែត នេះបានធ្វើឲ្យមហាជនមានការសោកស្តាយនិងចូលរួមរំលែកនូវមរណទុក្ខដ៏ក្រៀមក្រំជាមួយក្រុមគ្រួសារលោកគ្រូ ហួរ ឡាវី ។

យ៉ាងណាមិញបន្ទាប់ពីភរិយាបានលាចាកទៅដោយអាឡោះអាល័យនេះដែរ សម្រាប់លោក ហួរ ឡាវី និងកូនៗនៅតែបន្តការយំសោកសង្រេងព្រោះនឹកដល់ភរិយានិងត្រូវជាម្តាយផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅលើហ្វេសប៊ុកកូនស្រីលោក ហួរ ឡាវី គឺអ្នកនាង វី លីដា បានរៀបរាប់សារក្តុកក្តួលថា ថ្វីត្បិតម្តាយបានស្លាប់ហើយក៏ពិតមែន ប៉ុន្តែឪពុក(គ្រូហួរ ឡាវី)នាងនៅតែរង់ចាំផ្លូវម្តាយជារៀងរាល់យប់ ដោយអង្គុយអុជទៀនបំភ្លឺនៅខាងមុខផ្ទះ។

អ្នកនាង វី លីដា បានបន្តថា ម៉ាក់អើយដឹងអត់ប៉ាអុជទៀនបំភ្លឺមុខផ្ទះរង់ចាំម៉ាក់មកផ្ទះវិញ ហើយរាល់យប់ប៉ាមិនគេងទេ ប្រែខ្នងចុះឡើង ឥតឈប់ត្រូវមកផ្ទះវិញមកថែរក្សាប៉ាដូចមុន។ ម៉ាក់មកផ្ទះយើងវិញមកម៉ាក់។

អ្នកនាងបន្ថែមថា ពេលម៉ាក់ឡើងឡានទៅពេទ្យម៉ាក់រឹងមាំណាស់ លើកដៃលាប៉ានិងអ្នកផ្ទះហើយស្រែកថាBye Byeពេលទៅដល់ពេទ្យម៉ាក់ថា សុខភាពម៉ាក់ល្អ អាហារដូចផ្កាយ៦។ ៩ថ្ងៃគត់ម៉ាក់ត្រឡប់មកផ្ទះដោយគ្មាននិយាយស្តីរកអ្នកណាម្នាក់សោះ។ មិននឹកស្មានBye ! ByeពេលនោះគឺByeរហូតសោះម៉ាក់អើយម៉ាក់៕

អត្ថបទ ៖ ចាន់រ៉ា