ហុក សារិតុលា ត្រូវបានជ្រើសឱ្យតំណាងកម្ពុជាប្រកួតលើឆាកអន្តរជាតិ Miss Intercontinental 2025

លំដាប់រងទី២ ក្នុងការប្រកួតសម្រស់ Miss Supranational Cambodia 2025 កញ្ញា ហុក សារិតុលា ត្រូវបានជ្រើសរើសឱ្យក្លាយជា Miss Intercontinental Cambodia 2025 ដែលនឹងត្រៀមតំណាងកម្ពុជាចេញទៅប្រកួតលើឆាកអន្តរជាតិនាពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈផេកគាំទ្របវរកញ្ញាកម្ពុជា Universe Pageant បានបង្ហោះសារចូលរួមអបអរកញ្ញា ហុក សារិតុលា ដូច្នេះថា ” ហុក សារិតុលា ត្រូវបានតែងតាំងក្លាយជា Miss Intercontinental Cambodia 2025 “។ ក្នុងនោះបញ្ជាក់ដែរថា Hok Sarytola បាន​ត្រៀម​ខ្លួន​ជា​ស្រេច​ដើម្បី​បញ្ចេញ​ពន្លឺ​លើ​ឆាក​ពិភពលោក និង​ធ្វើ​ឱ្យ​ប្រទេស​របស់​នាង​មាន​មោទនភាព Miss Intercontinental Cambodia ។

ដោយឡែក សម្រាប់បវរកញ្ញា ហុង សារិតុលា បានបញ្ជាក់ឲ្យដឹងថា នាងបានត្រៀមខ្លួនរួចជាស្រេចដើម្បីទទួលយកដំណើរថ្មីនេះ ដើម្បីយកឈ្នះនិងតំណាងប្រទេសដោយមោទនភាពនៅលើឆាកដ៏អស្ចារ្យនៃ Miss Intercontinental 2025 ។ ដំណឹងនេះ បានធ្វើឲ្យមហាជន និងអ្នកគាំទ្រចូលរួមអបអរហើយជូនពរនាងឲ្យសំណាងល្អ។

សូមជម្រាបថា កញ្ញា ហុក សារិតុលា កន្លងមក គឺជាម្ចាស់មកុដ Miss Wisdom ឆ្នាំ២០២១ ហើយបន្ទាប់មកទៀត ហុក សារិតុលា ចូលរួមក្នុងការប្រកួតសម្រស់ Miss Supranational Cambodia 2025 ដោយ
ទទួលបានជ័យលាភីលំដាប់រងទី២។ ទោះបីយ៉ាងណាក្តី កាលណោះ ឃើញមានទស្សនិកជននិងអ្នកគាំទ្រនាំគ្នាលើកសរសើរមិនដាច់ពីមាត់នូវរូបសម្រស់ដ៏ទាក់ទាញ បូករួមនឹងទេពកោសល្យសមត្ថភាពរបស់នាងថែមទៀត៕ ចាន់រ៉ា