ព័ត៌មានអន្ដរជាតិ
ឥណ្ឌូណេស៊ីពេញចិត្តនឹងប្រសិទ្ធភាពវ៉ាក់សាំងកូវីដ-១៩របស់ចិន
ប្រទេសឥណ្ឌូណេស៊ីពេញចិត្តចំពោះប្រសិទ្ធភាពរបស់វ៉ាក់សាំងបង្ការកូវីដ-១៩របស់ប្រទេសចិន Sinovac បន្ទាប់ពីការទទួលស្គាល់ដោយមន្ត្រីកំពូលរបស់មជ្ឈមណ្ឌលគ្រប់គ្រងជំងឺឆ្លងរបស់ចិនថា វ៉ាក់សាំងផ្តល់ការការពារវីរុសនេះនៅមានកម្រិតទាប។
អ្នកស្រី Siti Nadia Tarmizi អ្នកនាំពាក្យកម្មវិធីវ៉ាក់សាំងកូវីដ-១៩របស់ប្រទេសឥណ្ឌូណេស៊ី បាននិយាយថា អង្គការសុខភាពពិភពលោក (WHO) បានរកឃើញវ៉ាក់សាំងរបស់ចិនស្របតាមតម្រូវការដែលត្រូវមានប្រសិទ្ធភាពខ្ពស់ជាង៥០%។ អ្នកស្រីកត់សំគាល់ថា ការសាកល្បងគ្លីនិកលើវ៉ាក់សាំង Sinovac នៅប្រទេសឥណ្ឌូណេស៊ីបង្ហាញថា វាមានប្រសិទ្ធភាព៦៥%។
«វាមានន័យថា យើងកំពុងជជែកអំពីលទ្ធភាពដើម្បីបង្កើតអង់ទីគ័រនៅក្នុងខ្លួនប្រាណយើងគឺនៅតែល្អខ្លាំង»។ អ្នកស្រីបានបញ្ជាក់។
នាយកមជ្ឈមណ្ឌលគ្រប់គ្រង និងការពារជំងឺឆ្លងចិនលោក Gao Fu ប្រាប់សន្និសីទកាសែតកាលពីថ្ងៃសៅរ៍កន្លងទៅនេះថា វ៉ាក់សាំងដែលមានស្រាប់គឺមានអត្រាប្រសិទ្ធភាពការពារទាបនៅឡើយ ហើយបានកំពុងពិចារណាក្នុងយុទ្ធសាស្ត្រដែលលាយគ្នាដើម្បីរឹតតែបង្កើនប្រសិទ្ធភាពរបស់វាទ្វេឡើង។
ប្រទេសចិនបានចែកចាយវ៉ាក់សាំងដែលផលិតក្នុងស្រុករាប់លានដូសទៅក្រៅប្រទេស និងកំពុងប្រើប្រាស់កម្មវិធីចាក់វ៉ាក់សាំងនៅក្នុងស្រុកដែរ។
អ្នកស្រី Tarmizi និយាយថា ប្រទេសឥណ្ឌូណេស៊ីនៅតែរង់ចាំមើលលទ្ធផលនៃការសាកល្បងគ្លីនិកណាមួយមុនពិចារណារឿងប្រើវ៉ាក់សាំងលាយគ្នាដែរ។
«យើងនឹងរង់ចាំ រង់ចាំលទ្ធផលនៃការសាកល្បងគ្លីនិកដើម្បីឲ្យប្រាកដច្បាស់ថា គំនិត ឬការច្នៃប្រឌិតនឹងមានកម្រិតប្រសិទ្ធភាព ភាពស៊ាំ និងប្រសិទ្ធផលកាន់តែប្រសើរឡើង បើប្រៀបធៀបនឹងលក្ខខណ្ឌបច្ចុប្បន្ន»។
ក្រុមអ្នកជំនាញសុខភាពសាធារណៈសកលបាននិយាយថា វ៉ាក់សាំងណាមួយដែលមានប្រសិទ្ធភាពចាប់ពី៥០%គួរតែប្រើ ហើយរដ្ឋាភិបាលជាច្រើនបានកំពុងប្រើប្រាស់វ៉ាក់សាំងរបស់ប្រទេសចិន ខណៈប្រទេសអ្នកមាននៅលើពិភពលោកនេះប្រើវ៉ាក់សាំង Pfizer និង Moderna។
រដ្ឋមន្ត្រីក្រសួងការបរទេសចិនលោក Wang Yi និយាយនៅថ្ងៃចន្ទថា រដ្ឋាភិបាលទីក្រុងប៉េកាំងនឹងនៅតែបន្តផ្តល់វ៉ាក់សាំងដល់ប្រទេសកំពុងអភិវឌ្ឍដែលត្រូវការចាំបាច់៕
ប្រែសម្រួល៖ វីរបុត្រ
ប្រភព៖ CNA
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៦ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត