ព័ត៌មានអន្ដរជាតិ

ស្វែងយល់ពីស្ថានភាពវ៉ាក់សាំងកូវីដ-១៩ និងឈាមកកនៅអាមេរិក

បានផុស

៥ years មុន

នៅ

ថ្ងៃសុក្រ ២៣ មេសា ២០២១

ដោយ

ឪពុកម្តាយរបស់នាង Nevada អាយុ១៨ឆ្នាំនិយាយថា កូនស្រីរបស់ពួកគាត់កើតមានការធូរស្រាលបន្តិចៗម្តង បន្ទាប់ពីកើតមានអាការប្រកាចនៅក្នុងខែនេះ។

គ្រួសាររបស់នាង Emma Burkey បាននិយាយថា កូនស្រីបានវះកាត់៣ដងពាក់ព័ន្ធនឹងឈាមកក។ នាងចាប់ផ្តើមមានអារម្មណ៍ឈឺប្រហែលជាមួយសប្តាហ៍ បន្ទាប់ពីចាក់វ៉ាក់សាំង Johnson & Johnson ដូសទី១។

នាង Burkey ស្ថិតក្នុងចំណោមស្ត្រីវ័យក្មេង៦នាក់ដែលមជ្ឈមណ្ឌលគ្រប់គ្រង និងការពារជំងឺឆ្លង (CDC) បានដកស្រង់សំដីកាលពីចុងសប្តាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំង៧.៥លានដូសត្រូវបានចាក់ ទីភ្នាក់ងារនិយាយថា ស្ត្រីបួនដប់នាក់អាយុពី១៨ឆ្នាំទៅ៤៨ឆ្នាំបានវិវត្តទៅជាប្រភេទឈាមកកដ៏កម្រ។ ដំណកឈាមកកដែលអាចកើតមាននៅខួរក្បាល ឬពោះជាមួយនឹងកម្រិតឈាមគ្រោងឆ្អឹងគឺកកម្រមានណាស់។

នៅសន្និសីទសារព័ត៌មានកាលពីថ្ងៃទី១៩ ខែមេសា របស់ក្រុមអ្នកឆ្លើយតបកូវីដ-១៩របស់សេតវិមាន នាយក CDC លោក Rochelle Wallensky និយាយថា អ្នកវិទ្យាសាស្ត្រកំពុងស៊ើបអង្កេតពីករណីផ្សេងតិចតូចទៀតដើម្បីស្វែងយល់ពីអ្វីដែលពាក់ព័ន្ធគ្នា។

ទន្ទឹមជាមួយគ្នានេះ ការផ្អាកវ៉ាក់សាំង Johnson & Johnson ឈានចូលសប្តាហ៍ទី២ហើយ។ អ្នកជំនាញមួយចំនួនព្រួយបារម្ភថា ការផ្អាកយូរអាចប៉ះពាល់ដល់ទំនុកចិត្តរបស់សាធារណជន។

លោកវេជ្ជបណ្ឌិត William Schaffner អ្នកជំនាញជំងឺឆ្លងនៅសាកលវិទ្យាល័យ Vanderbilt University ក្នុងទីកក្រុង Nashville និងអ្នកពិគ្រោះយោបល់ម្នាក់នៅ CDC បាននិយាយថា ការផ្អាកគឺជាសត្តុតាងដែលបញ្ជាក់ថា ប្រព័ន្ធកំពុងដំណើរការ។

លោកថា ៖«នៅអាមេរិក យើងមានប្រព័ន្ធត្រួតពិនិត្យសុវត្ថិភាពវ៉ាក់សាំងល្អបំផុតក្នុងលោក។ វាដូចជារើសម្ជុល១ពីក្នុងមហាសាគរ គឺជាបាតុភូតមិនធម្មតាដែលកើតមានម្តងរាល់វ៉ាក់សាំងរាប់លានដូសដែលបានចាក់»។

«ករណីទាំងនោះត្រូវបានត្រូតពិនិត្យបន្ទាន់ ធ្វើការវិភាគ និងមានកិច្ចប្រជុំបន្ទាន់នៅ CDC។ គណៈកម្មាធិការបានផ្អាក ខណៈពួកគាត់កំពុងប្រមូលទិន្នន័យ។ មិនមានថ្នាំ ឬវ៉ាក់សាំងណាមួយដែលគ្មានផលប៉ះពាល់ម្តងម្កាលនោះទេ»។ លោកបានបញ្ជាក់។

ប្រការកើតឡើងដ៏កម្រ

ឈាមកកដ៏កម្រត្រូវបានកត់ត្រាទុកក្នុងចំណោមមនុស្សដែលបានចាក់វ៉ាក់សាំង AstraZeneca រួច។

ការសិក្សាមួយរបស់សាកលវិទ្យាល័យ Oxford បង្ហាញថា ឈាមកកបានកើតឡើងប្រហែល៥នាក់ក្នុងចំណោមមនុស្ស១លាននាក់ បន្ទាប់ពីចាក់វ៉ាក់សាំងលើកទី១រួច។

វ៉ាក់សាំងនេះប្រើបច្ចេកទសភ្នាក់ងារបង្ការចម្លងដែលស្រដៀងទៅនឹងវ៉ាក់សាំង Johnson & Johnson ប៉ុន្តែវាមិនត្រូវបានបញ្ជាក់សម្រាប់ការប្រើប្រាស់នៅអាមេរិកឡើយ។

ការសិក្សារបស់ Oxford ក៏បានរកឃើញថា ការឆ្លងកូវីដ-១៩ក៏កម្រឲ្យកើតមានហានិភ័យនៃឈាមកកណាស់។ នៅក្នុងមនុស្សជាង៥០ម៉ឺននាក់ដែលបានឆ្លងកូវីដ-១៩ ករណីឈាមកកបានកើតឡើងគឺ៣៩នាក់ក្នុងចំណោមមនុស្ស១លាននាក់។

តើពួកគេបង្ហាញខ្លួននៅកន្លែងណា?

អ្នកស្រីវេជ្ជបណ្ឌិត Jean M. Connors សហសាស្ត្រាចារ្យវេជ្ជសាស្ត្រនៅឈាមកករបស់មន្ទីរពេទ្យស្ត្រីនៅទីក្រុងម៉ាហ្សាជូសេត និយាយថា ៖«អាស្រ័យលើការសិក្សាពីរោគរាតត្បាតដែលធ្វើ មនុស្ស២ទៅ៥នាក់ក្នុងចំណោមមនុស្ស១លាននាក់នឹងមានជំងឺប្រហោងឆ្អឹង»។

អ្នកស្រីថា ៖«ខ្ញុំឃើញពួកវានៅក្នុងស្រីវ័យក្មេងដែលប្រើថ្នាំពន្យារកំណើត អ្នកដែលធ្លាប់វះកាត់ឆ្អឹងខ្នង មនុស្សដែលមានជំងឺឆ្លងធ្ងន់ធ្ងរ»។

CDC លើកឡើងថា មិនមានរបាយការណ៍ណាមួយនៃឈាមកកក្នុងចំណោមវ៉ាក់សាំង Pfizer និង Moderna ចំនួន១៨០លានដូសដែលត្រូវបានចាក់នៅអាមេរិកតាំងពីថ្ងៃទី១៣ ខែមេសាមក។

តើមានមូលហេតុអ្វី?

ក្រុម The New England Journal of Medicine បានចេញផ្សសាយលិខិតមួយកាលពីសប្តាហ៍មុននេះពីវ៉ាក់សាំង Johnson & Johnson ដែលក្រុមហ៊ុននិយាយថា មិនមានអំណះអំណាងគ្រប់គ្រាន់ដើម្បីភ្ជាប់ពីវ៉ាក់សាំងរបស់ខ្លួនជាមួយនឹងករណីឈាមកកដ៏កម្រទេ។

លិខិតបានលើកឡើងថា មានករណីមួយបានកើតឡើងកំឡុងពេលការសាកល្បងគ្លីនិកលើមនុស្សជាង៧៥ពាន់នាក់។ វាបានជំរុញឲ្យក្រុមហ៊ុនធ្វើការស៊ើបអង្កេត និងរកឃឃើញថា មនុស្សម្នាក់ដែលកើតមានអាការៈនោះមានអង់ទីគ័រប្រឆាំងនឹងកត្តាផ្លាតូស(platelet)។

ទន្ទឹមជាមួយគ្នា មន្ត្រីសុខាភិបាលរដ្ឋសហព័ន្ធកំពុងប្រមូលទិន្នន័យដើម្បីរកមូលហេតុនៃករណីឈាមដ៏កម្រពាក់ព័ន្ធនឹងវ៉ាក់សាំង។

អ្នកស្រី Connors ឲ្យដឹងថា ៖«ខ្ញុំត្រូវតែនិយាយថា វាគួរឲ្យសង្ស័យដែលវាកើតឡើងជាមួយវ៉ាក់សាំងទាំងពីរប្រភេទនោះចំពេលដែលសាកល្បងគ្លីនិករកឃើញដូចគ្នា។ ដូច្នេះមានមូលហេតុ និងប៉ះពាល់ តែយើងមិនទាន់ដឹងច្បាស់ពីអ្វី»៕

ប្រែសម្រួល៖ វីរបុត្រ
ប្រភព៖ Heathline

Related Topics:សហរដ្ឋអាមេរិក