ព័ត៌មានអន្ដរជាតិ

ស្ថានទូតអាមេរិកប្រចាំលីបង់ អំពាវនាវឱ្យពលរដ្ឋខ្លួនចាកចេញពីប្រទេសនេះជាបន្ទាន់

បានផុស

២ ខែ មុន

នៅ

ថ្ងៃព្រហស្បតិ៍ ២៣ មេសា ២០២៦

ដោយ

ស្ថានទូតសហរដ្ឋអាមេរិកប្រចាំទីក្រុងបេរូតនៃប្រទេសលីបង់ បានជូនដំណឹងជំរុញឱ្យពលរដ្ឋអាមេរិកនៅក្នុងប្រទេសលីបង់ដែលអ៊ីស្រាអែលវាយប្រហារនោះ ចាកចេញពីប្រទេសនេះជាបន្ទាន់ ដោយលើកឡើងពីបរិយាកាសសន្តិសុខស្មុគស្មាញ និងផ្លាស់ប្តូរយ៉ាងឆាប់រហ័ស។

ស្ថានទូតអាមេរិកបានរៀបរាប់ក្នុងសេចក្តីថ្លែងការណ៍មួយកាលពីថ្ងៃពុធ ទី២២ ខែមេសា ថា៖ « យើងសូមជំរុញឱ្យពលរដ្ឋអាមេរិកចាកចេញពីប្រទេសលីបង់ ខណៈជម្រើសជើងហោះហើរនៅតែមាន»។

ស្ថានទូតបន្ថែមថា៖ « យើងសូមណែនាំឱ្យពលរដ្ឋអាមេរិកនៅលីបង់ដែលជ្រើសរើសមិនចាកចេញ ត្រូវរៀបចំផែនការបន្ទាន់សម្រាប់ស្ថានភាពអាសន្ន និងតាមដានព័ត៌មានសម្រាប់ការវិវត្តថ្មីៗ»។

សេចក្តីថ្លែងការណ៍របស់ស្ថានទូតអាមេរិកប្រចាំប្រទេសលីបង់។ រូបភាព៖ US EBS in Lebanon

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនតែប៉ុណ្ណោះអាមេរិកក៏ព្រមានថា៖ «មានហានិភ័យនៃអំពើភេរវកម្ម និងការចាប់ជំរិតជាបន្តបន្ទាប់នៅទូទាំងប្រទេសលីបង់»។

ស្ថានទូតបន្ថែមថា៖ « ទីកន្លែងដែលពលរដ្ឋ និងអ្នកទេសចរអាមេរិកទៅទស្សនាជាញឹកញាប់នៅទីក្រុងបេរូត និងទូទាំងប្រទេសលីបង់អាចក្លាយជាគោលដៅសម្រាប់ការវាយប្រហារ ហើយពលរដ្ឋអាមេរិកជៀសវាងការតវ៉ា និងការជួបជុំធំៗជាដើម»។

សេចក្តីថ្លែងការណ៍នេះកើតឡើង បន្ទាប់ពីបាញ់កាលពីថ្ងៃពុធរវាងកងទ័ពអ៊ីស្រាអែលនិងក្រុមហេសបូឡារបស់លីបង់។

ការកើនឡើងនៃភាពតានតឹងនៅតែកើតឡើង ទោះបីជាមានការឈប់បាញ់រយៈពេល ១០ថ្ងៃរវាងលីបង់និងអ៊ីស្រាអែល ចាប់ផ្តើមនៅថ្ងៃសុក្រក៏ដោយ។

គួរបញ្ជាក់ថា បទឈប់បាញ់ខាងលើមានបំណងបញ្ឈប់ការវាយប្រហារដែលបានពង្រីករបស់អ៊ីស្រាអែលទៅលើលីបង់ និងសម្លាប់មនុស្ស ២ ២៩៤ នាក់ របួស ៧ ៥៤៤នាក់ និងមានមនុស្សជាង ១លាននាក់ផ្លាស់ទីលំនៅ ចាប់តាំងពីថ្ងៃទី០២ ខែមីនា។

ការណែនាំរបស់ស្ថានទូតអាមេរិកបានចេញផ្សាយឱ្យពលរដ្ឋខ្លួនចាកចេញពីលីបង់ មុនថ្ងៃនៃការចរចាដែលសម្របសម្រួលដោយសហរដ្ឋអាមេរិករវាងលីបង់និងអ៊ីស្រាអែល គ្រោងនឹងធ្វើឡើងនៅថ្ងៃព្រហស្បតិ៍ នៅទីក្រុងវ៉ាស៊ីនតោន៕

ប្រែសម្រួល៖ ណឺ មិនា