ឥណ្ឌា៖ កូនក្រមុំគាំងបេះដូងស្លាប់ថ្ងៃចូលរោងការ ប្អូនស្រីរៀបការជំនួស

កូនក្រមុំម្នាក់បានដួលស្លាប់ភ្លាមៗក្នុងពិធីមង្គលការ ប៉ុន្តែត្រូវបានប្អូនស្រីរបស់នាងរៀបការជាមួយកូនកំលោះជំនួស ក្រោយក្រុមគ្រួសារទាំងសងខាងសម្រេចចិត្តបន្តធ្វើពិធីឱ្យចប់សព្វគ្រប់។

នាង Surbhi ដែលជាកូនក្រមុំបានគាំងបេះដូង បន្ទាប់ពីពិធីបំពាក់កម្រងផ្កាជាមួយបុរសជាកូនកំលោះឈ្មោះ Manjesh Kumar នៅទីក្រុង Etawa ក្នុងរដ្ឋ Uttar Pradesh នៅប្រទេសឥណ្ឌា។

វេជ្ជបណ្ឌិតម្នាក់មកពីភូមិក្នុងតំបន់ត្រូវបានគេហៅឱ្យទៅកន្លែងកើតហេតុ ប៉ុន្តែគាត់មិនអាចជួយសង្គ្រោះកូនក្រមុំបានទេ។

ដោយមិនចង់បញ្ឈប់ពិធីទាំងកណ្ដាលទី ក្រុមគ្រួសារទាំងពីរបានមូលមតិគ្នាបន្តពិធីមង្គលការដោយជំនួសកូនក្រមុំជាមួយប្អូនស្រីនារីរងគ្រោះឈ្មោះនាង Nisha។ ដំបូងឡើយ កូនកំលោះមិនចង់បន្តពិធីរៀបការនោះទេ ​ប៉ុន្តែបន្ទាប់ពីជជែកគ្នានិងមានការស្នើសុំពីសាច់ញាតិ គេក៏ព្រមចូលលរួមប្រារព្ធពិធីបន្តទៀត។

ចំណែកសពកូនក្រមុំត្រូវបានរក្សាទុកនៅក្នុងបន្ទប់ដាច់ដោយឡែកដើម្បីរង់ចាំការបូជា ក្រោយពីពិធីមង្គលការបញ្ចប់ទាំងស្រុង៕

ប្រែសម្រួល៖ សន្យា

ប្រភព៖ Mail Daily

ចុចអាន៖ ពលរដ្ឋឥណ្ឌា ចាប់ផ្តើមភ័យខ្លាច កូវីដឆ្លងតាមទឹកទន្លេ និងសត្វឆ្កែដែលស៊ីសាកសព

ចុចអាន៖ អបិយជំនឿប្លែកៗទាំង ៣ ដែលប្រជាជនឥណ្ឌាជឿថាអាចកម្ចាត់កូវីដ-១៩