លោក Trump គ្មានគម្រោងធ្វើម្ចាស់ផ្ទះកិច្ចប្រជុំកំពូលក្រុមប្រទេស G7
Connect with us
Helistar Cambodia - Helicopter Charter Services

ព័ត៌មានអន្ដរជាតិ

លោក Trump គ្មានគម្រោងធ្វើម្ចាស់ផ្ទះកិច្ចប្រជុំកំពូលក្រុមប្រទេស G7

បានផុស

នៅ

ប្រភពពីការទូតចំនួន ៣ បាននិយាយកាលពីថ្ងៃពុធថា ប្រធានាធិបតីអាមេរិកដែលជិតចប់អាណត្តិ Donald Trump គ្មានគម្រោងនឹងធ្វើជាម្ចាស់ផ្ទះនៃកិច្ចប្រជុំកំពូលក្រុមប្រទេសមហាអំណាចសេដ្ឋកិច្ច (G7) នោះទេ បន្ទាប់ពីបានលុបចោលការជួបប្រជុំនៅខែមិថុនា ដោយសារតែការរីករាលដាលនៃជំងឺកូវីដ ១៩ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពមួយទៀតដែលដឹងពីបញ្ហានេះបាននិយាយថា ប្រធានាធិបតីនៃគណបក្សសាធារណរដ្ឋដែលបានបដិសេធមិនទទួលស្គាល់ជ័យជម្នះរបស់លោក Joe Biden មកពីគណបក្សប្រជាធិបតីនៅក្នុងការបោះឆ្នោតនៅថ្ងៃទី ៣ ខែវិច្ឆិកា មិនបានធ្វើការសម្រេចចិត្តចុងក្រោយណាមួយនោះទេ ប៉ុន្តែពេលវេលាជិតអស់ហើយដើម្បីរៀបចំផែនការកិច្ចប្រជុំកំពូល មុនពេលដែលលោកនឹងប្រគល់អំណាចនៅថ្ងៃទី ២០ ខែមករា ។

ប្រភពការទូតចំនួន ៣ បាននិយាយថា មិនមានការអះអាងណាមួយពីសំណាក់រដ្ឋបាលលោក Trump នៅកាលបរិច្ឆេទ និងរបៀបវារៈសម្រាប់កិច្ចប្រជុំកំពូល G7 ដែលអាចកើតមាននោះទេ ។ ប្រភពមួយបាននិយាយថា ខណៈពេលដែលការប្រជុំតាមប្រព័ន្ធអ៊ីនធឺណេតនៅតែអាចធ្វើទៅបាននោះ វាមិនមានការងារណាមួយនៃសេចក្តីថ្លែងការណ៍រួមត្រូវធ្វើឡើងនោះទេ ហើយសេតវិមានក៏បានបដិសេធមិនធ្វើអត្ថាធិប្បាយអ្វីផងដែរ ។

ដំបូងលោក Trump បានលុបចោលផែនការសម្រាប់កិច្ចប្រជុំកំពូលដោយការចូលរួមផ្ទាល់នៅថ្ងៃទី ១០ ខែមិថុនា កាលពីខែមីនាដោយសារជំងឺរាតត្បាត ប៉ុន្តែក្រោយមកបានព្យាយាមធ្វើឲ្យប្រសើរឡើងវិញកាលពីខែឧសភា បន្ទាប់ពីមេដឹកនាំអាល្លឺម៉ង់លោកស្រី Angela Merkel បាននិយាយថា លោកស្រីនឹងមិនចូលរួមនោះទេ ខណៈដែលអ្នកផ្សេងទៀតក៏សម្តែងការព្រួយបារម្ភពីរោគរាតត្បាតនេះផងដែរ ។

ប្រភពមួយបាននិយាយថា នៅក្នុងខែសីហា លោកបាននិយាយថាលោកមានបំណងធ្វើជាម្ចាស់ផ្ទះក្នុងបរិយាកាសស្ងប់ស្ងាត់ បន្ទាប់ពីការបោះឆ្នោតប្រធានាធិបតី ប៉ុន្តែមិនមានសកម្មភាពអ្វីត្រូវបានធ្វើឡើងនោះទេ ខណៈពេលនេះលោកទំនងជាអស់តំណែងនៅសេតវិមានហើយ ។

លោក Trump ក៏បាននិយាយផងដែរថា លោកនឹងពង្រីកបញ្ជីអ្នកអញ្ជើញចូលរួមរួមមានអូស្រ្តាលី រុស្ស៊ី កូរ៉េខាងត្បូង និងឥណ្ឌាដោយចាត់ទុកក្រុមប្រទេស G7 បច្ចុប្បន្នថាជាក្រុមប្រទេសដែលហួសសម័យហើយ ។

គួរបញ្ជាក់ថា ក្រុមប្រទេស G7 រួមមាន សហរដ្ឋអាមេរិក អង់គ្លេស បារាំង ជប៉ុន អាល្លឺម៉ង់ អ៊ីតាលី និងកាណាដា ខណៈសហភាពអ៊ឺរ៉ុបក៏ចូលរួមផងដែរ ។ ក្រុមនេះបានចាប់ផ្តើមកិច្ចប្រជុំនៅឆ្នាំ ១៩៧៥ ប៉ុន្តែមិនមានប្រទេសកាណាដានោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ សមាជិកព្រឹទ្ធសភាសហរដ្ឋអាមេរិកព្យាយាមបញ្ឈប់កិច្ចប្រឹងប្រែងលក់អាវុធរបស់លោក Trump ដល់ប្រទេសអារ៉ាប់រួម

ចុចអាន ៖ មានសង្ឃឹមហើយ! វ៉ាក់សាំងកូវីដរបស់ក្រុមហ៊ុន Pfizer និង BioNTech អាចដាក់ឲ្យប្រើប្រាស់មុនបុណ្យណូអែល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

សម្តេច​តេ​ជោ ស្នើ​ឲ្យ​កម្លាំង​នគរបាល ទប់ស្កាត់ និង​បង្ក្រាប​ឲ្យ​បាន​នូវ​រាល់​ឧបាយកល​របស់​ក្រុម​ឧទ្ទាម កុំ​ឲ្យ​ពួកគេ​សម្រេច​ផែនការ​ទុច្ចរិត

កូវីដ-១៩៤ ម៉ោង មុន

ខេត្តកំពង់ស្ពឺ​បិទ​ទីតាំង​ព​ិនិ​​ត្យ​ព្យាបាល​ជំងឺ​​៣​កន្លែង ​ជា​បណ្តោះ​អាសន្ន​ក្រោយ​មាន​ពាក់ព័ន្ធ​នឹង​អ្នកជំងឺ​កូ​វីដ១៩

ព័ត៌មានជាតិ៤ ម៉ោង មុន

មុននេះ សមត្ថកិច្ចចាប់ខ្លួនកូនប្រសាឧកញ៉ា ហេង សៀ ជួលមនុស្សថតរូបអាសអាភាស បំផ្លាញកិត្តិយស កញ្ញា ​មាន ពេជ្ររីតា

ព័ត៌មានជាតិ៤ ម៉ោង មុន

គណបក្ស​ប្រជាជន​កម្ពុជា ប្រកាស​ផ្អាក​ប្រារព្ធ​ទិវា​ជាតិ នៃ​ការចងចាំ ថ្ងៃទី​២០ ខែឧសភា ដោយសារ​ការ​រីក​រាលដាល នៃ​ជំងឺ​កូ​វីដ​-១៩

ព័ត៌មានខ្លីៗ៤ ម៉ោង មុន

នាំខ្លួនកូនប្រសារឧកញ៉ា ហេង សៀ ទៅសាកសួរករណីជួលមនុស្សថតរូបអាសអាភាសបំភាន់សាធារណជន

Sokha Hotels

ព័ត៌មានពេញនិយម

Helistar Cambodia - Helicopter Charter Services