វ៉ាក់សាំងផលិតនៅវៀតណាមខ្វះខាតច្រើន អត់ទាន់ទទួលបានការអនុម័តទេ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

វ៉ាក់សាំងផលិតនៅវៀតណាមខ្វះខាតច្រើន អត់ទាន់ទទួលបានការអនុម័តទេ

បានផុស

នៅ

ក្រសួង​សុខាភិបាល​វៀតណាម​បាន​និយាយ​ថា ខ្លួន​មិន​មាន​ភស្តុតាង​លក្ខណៈ​វិទ្យាសាស្ត្រ​គ្រប់​គ្រាន់​ដើម្បី​ផ្តល់​ការ​អនុម័ត​​ដល់​​ការ​ប្រើ​ប្រាស់​បន្ទាន់សម្រាប់​​វ៉ាក់សាំង​បង្ការ​កូវីដ-១៩ Nanocovax ដែល​ផលិត​ដោយ​ក្រុម​ហ៊ុន​វៀតណាម​​ឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាល​ពី​ម្សិល​មិញ លោក Nguyen Ngo Quang អនុ​ប្រធាន​រដ្ឋបាល​បច្ចេកវិទ្យា​វិទ្យាសាស្ត្រ និង​ការ​បណ្តុះ​បណ្តាល​ស្ថិត​ក្រោម​ក្រសួង​សុខាភិបាល​វៀតណាម​បាន​និយាយ​ថា ​ខណៈ​ពេល​វ៉ាក់សាំងបង្ការ​កូវីដ-១៩ដែល​ផលិត​ដោយ​ក្រុម​ហ៊ុន Nanogen ស្ថិត​ក្រោម​ការ​សាក​ល្បង​គ្លីនិក​ដំណាក់​កាល​ទី​២ និង​បង្ហាញ​ពី​​ភាពស៊ាំខ្លាំង ទំហំ​គំរូ​នៅ​តែ​តូច​ពេក​ដើម្បី​បង្កើត​ឲ្យ​​មាន​​ឥទ្ធិពល​ការពារ​ពេញ​លេញ។

វ៉ាក់សាំង Nanocova ពេល​សាក​ល្បង​ចាក់​លើ​មនុស្ស​

លោក​បាន​ឲ្យ​ដឹង​ថា អាជ្ញាធរ​មិន​ទាន់​បាន​ទទួល​ទិន្នន័យ​ពី​របៀប​ដែល​វ៉ាក់សាំង​នេះ​កាត់​បន្ថយ​អត្រា​ឆ្លង​ ឬ​រក្សា​មិន​ឲ្យ​ធ្ងន់​ធ្ងរ​ពី​ជំងឺ​កូវីដ-១៩​ឡើយ។ លើស​ពី​នេះ​ទៀត អ្នក​ជំនាញ​​ក៏​នឹង​ត្រូវ​​ធ្វើ​ការ​វាយ​តម្លៃ​អំពី​​ប្រតិកម្ម​​ភាពស៊ាំ និង​ប្រសិទ្ធភាព​របស់​វ៉ាក់សាំង​នៅ​ថ្ងៃ​ទី​៣៦ ទី​៤៥ និង​ទី​៥៤ បន្ទាប់​ពី​ការ​ចាក់​ដូស​ទី​២។

លោក Quang បាន​សង្កត់​ធ្ងន់​ថា ៖«ក្រសួង​សុខាភិបាល​មិន​មាន​ទិន្នន័យ និង​ភស្តុតាង​លក្ខណៈ​​វិទ្យាសាស្ត្រ​គ្រប់​គ្រាន់​ដើម្បី​ផ្តល់​ការ​អនុម័ត​ឲ្យ​ប្រើ​ប្រាស់​វ៉ាក់សាំង​ Nanocovax បន្ទាន់​ឡើយ​នៅ​ពេល​នេះ»។

លោក​បន្ថែម​ថា នៅ​ពេល​ក្រសួង​តែង​តែ​គាំទ្រ​ដល់​អាជីវកម្ម​ឯកជន​ដើម្បី​ស្រាវ​ជ្រាវ និង​ផលិត​វ៉ាក់សាំង​បង្ការ​កូវីដ-១៩​ដោយ​ពួក​គេ​ផ្ទាល់ ពួក​គេ​ត្រូវ​តែ​​បំពេញ​តាម​​ស្តង់ដារ​សុវត្ថិភាព និង​ប្រសិទ្ធភាព មុន​ពេល​ទទួល​បាន​ការ​អនុម័ត​សម្រាប់​ការ​ប្រើ​បន្ទាន់។​

កាល​ពី​ថ្ងៃ​អង្គារ៍ ទី​២២ ខែ​មិថុនា លោក Ho Nhan ប្រធាន​ក្រុម​ប្រឹក្សាភិបាល និង​ជា​អគ្គនាយក​ក្រុម​ហ៊ុន Nanogen បាន​​ឲ្យ​ដឹង​​​ថា ក្រុម​ហ៊ុន​បាន​ដាក់​ពាក្យ​ស្នើ​សុំ​ការ​អនុម័ត​ប្រើ​ប្រាស់​បន្ទាន់​ទៅ​លោក​នាយក​រដ្ឋ​មន្ត្រី​វៀតណាម Pham Minh Chinh កាល​ពី​សប្តាហ៍​មុន ប៉ុន្តែ​នៅ​មិន​ទាន់​ទទួល​បាន​ការ​ឆ្លើយ​តប​​​អ្វី​​ឡើយ​។

ការ​ចាក់​វ៉ាក់សាំង​នៅ​វៀតណាម

ប្រទេស​វៀតណាម​បច្ចុប្បន្ន​នេះ​មាន​ក្រុម​ហ៊ុន​ផលិត​វ៉ាក់សាំង​បង្ការ​កូវីដ-១៩​ក្នុង​ស្រុក​​៤​គឺ​វ៉ាក់សាំង Nanocovax ផលិត​ដោយ​ក្រុម​ហ៊ុន Nanogen, វ៉ាក់សាំង Covivac របស់​វិទ្យាសាស្ត្រ​វ៉ាក់សាំង និង​ជីវសាស្ត្រ​វេជ្ជសាស្ត្រ (IVAC) និង​២​ប្រភេទទៀត​ដោយ​ក្រុម​ហ៊ុន​ Vabiotech និង​មជ្ឈមណ្ឌលស្រាវ​ជ្រាវ និង​ការ​ផលិត​វ៉ាក់សាំង និង​ជីវសាស្ត្រ (CRPVB)៕

ប្រែ​សម្រួល៖ វីរបុត្រ
ប្រភព៖ e.vnexpress

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១ ម៉ោង មុន

អ្នក​ប្រដាល់សកល​ជើង​ខ្លាំង​ប៉ះ​គ្នា​ថ្ងៃអាទិត្យ​នេះ លើ​សង្វៀន Boxing Ultimate Boxing Championship

កូវីដ-១៩១ ម៉ោង មុន

វត្ត​គល់​ទទឹង​ យក​សំណាក​ព្រះសង្ឃ​ និង​ ពុទ្ធ​បរិ​ស័ទ​៣៥៥​អង្គ​នាក់​ រក​ឃើញ​២​អង្គ​នាក់​ឆ្លង​កូ​វីដ

ព័ត៌មានជាតិ១ ម៉ោង មុន

កាកបាទក្រហមកម្ពុជា ប្រគល់ ផ្ទះ​២ ខ្នង​ជូន​ប្រ ជា​ពលរដ្ឋ​២​គ្រួសារ​ដែល​រងគ្រោះ​ដោយ​ភ្លើង​ឆេះ​ផ្ទះ នៅក្នុង​ខ្សាច់​ស ឃុំ​ក្រាំង​ល្វា ស្រុក​សាមគ្គី​មានជ័យ

កូវីដ-១៩៣ ម៉ោង មុន

ខេត្តកំពង់ឆ្នាំង​រក​ឃើញ​វិជ្ជមាន កូ​វីដ​១៩​ថ្មី ៦៥​នាក់​និង​មាន​អ្នក​ស្លាប់​ថ្មី​ម្នាក់ នៅក្នុង​ថ្ងៃទី​២៣

ព័ត៌មានជាតិ៣ ម៉ោង មុន

ប្រធាន​មន្ទីរ​សាធារណការ​ខេត្តព្រះវិហារ​ ណែនាំ​ឲ្យ​ការសាងសង់​ស្ថានីយ​ជញ្ជីង​អចល័ត អូរ​ពោធិ៍​-​ខេត្តព្រះវិហារ ស្របតាម​គំនូស​ប្លង់ តាម​បទដ្ឋាន​បច្ចេកទេស

Sokha Hotels

ព័ត៌មានពេញនិយម

Helistar Cambodia - Helicopter Charter Services