អ្នកជាសះស្បើយពីកូវីដ-១៩ភាគច្រើន បន្តរោគសញ្ញារយៈពេលវែង

តួលេខនៃការសិក្សាថ្មីមួយបង្ហាញថា មនុស្សរាប់សែននាក់នៅទូទាំងចក្រភពអង់គ្លេសដែលធ្លាប់ឆ្លងកូវីដ-១៩ បន្តរោគសញ្ញារយៈពេលយូរ ព្រមទាំងកំពុងបង្កផលរំខានចំពោះការរស់នៅរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីអ្នកស្រាវជ្រាវមកពីសាកលវិទ្យាល័យ Oxford រកឃើញមនុស្សជិតមួយលាននាក់កំពុងទទួលរងរោគសញ្ញាកូវីដ-១៩ លើសពី ៤ សប្ដាហ៍ ក្រោយចេញពីមន្ទីរពេទ្យ។

មនុស្សភាគច្រើន ពោលគឺប្រមាណ ២ ភាគ ៣ នៃអ្នកជាសះស្បើយសរុបនិយាយថា ពួកគេអសមត្ថភាពក្នុងការអនុវត្តកិច្ចការប្រចាំថ្ងៃ ដែលការរំខាននេះបណ្ដាលមកពីរាងកាយបន្តរោគសញ្ញាកូវីដ-១៩រួមមាន អស់កម្លាំង វិលមុខ ដង្ហើមខ្លី និងជ្រុះសក់។ បន្ថែមពីនោះ អ្នកខ្លះដកដង្ហើមញាប់ ព្រមទាំងឈឺសាច់ដុំទៀតផង។

ក្រៅពីនេះ ការស្រាវជ្រាវរបស់អង់គ្លេស ប៉ាន់ប្រមាណថា មនុស្សភាគច្រើននឹងមានរោគសញ្ញាកូវីដ-១៩រយៈពេលវែងបន្ទាប់ពីជាសះស្បើយ ព្រមទាំងធ្វើឱ្យប៉ះពាល់ខ្លាំងដល់សកម្មភាពប្រចាំថ្ងៃរបស់អ្នកជំងឺផងដែរ។

ពាក់ព័ន្ធករណីនេះដែរ អ្នកជំនាញមកពីសាកលវិទ្យាល័យ Oxford និងសាលាវេជ្ជសាស្ត្រនិងអនាម័យទីក្រុងឡុងដ៍ បានបញ្ជាក់បន្ថែមថា ទាំងអ្នកដែលមិនចូលមន្ទីរពេទ្យ ឬព្យាបាលនៅមន្ទីរពេទ្យ សុទ្ធតែមានហានិភ័យក្នុងការវិវត្តទៅរកស្ថានភាពទន់ខ្សោយដោយសារកូវីដ-១៩ រយៈពេលយូរ។ ក្នុងនោះពួកគេត្រូវការការថែទាំរយៈពេលច្រើនខែ ទើបអាចជាសះស្បើយពេញលេញឡើងវិញ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ត្រូវតាមដាន! រោគសញ្ញាមួយ ធ្វើទុក្ខខ្លាំងបំផុតចំពោះ អ្នកឆ្លងវីរុសបំប្លែងខ្លួន Delta

ចុចអាន៖ WHO៖ ម្ដាយឆ្លងកូវីដ-១៩ អាចបំបៅកូនដោយទឹកដោះបាន