WHO៖ ម្ដាយឆ្លងកូវីដ-១៩ អាចបំបៅកូនដោយទឹកដោះបាន
Connect with us
Helistar Cambodia - Helicopter Charter Services

សុខភាព

WHO៖ ម្ដាយឆ្លងកូវីដ-១៩ អាចបំបៅកូនដោយទឹកដោះបាន

បានផុស

នៅ

ខណៈដែលកូវីដ-១៩បានរីករាលដាលខ្លាំងស្ទើរគ្រប់កន្លែង មនុស្សជាច្រើនកំពុងប្រឈមនឹងការឆ្លងនៃវីរុសនេះ។ មនុស្សចាស់ និងមនុស្សមានជំងឺរ៉ាំរ៉ៃ សុទ្ធសឹងមានហានិភ័យខ្ពស់នៃការឆ្លងរោគ។ ផ្ទុយទៅវិញ កុមារនិងទារកមិនត្រូវបានរាប់បញ្ចូលក្នុងបញ្ជីរបុគ្គលប្រឈមហានិភ័យខ្ពស់នោះឡើយ។ ចំណែកទាកដែលមានម្ដាយផ្ទុកកូវីដ-១៩ ក៏កម្រនឹងឆ្លងជំងឺពីម្ដាយដែរ។ ជាពិសេសស្រ្តីជាម្ដាយនៅតែអាចបំបៅកូនដោយទឹកដោះ បើទោះបីខ្លួនវិជ្ជមានកូវីដ-១៩ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Lao woman gave breast milk to VN soldier in wartime - Society - Vietnam  News | Politics, Business, Economy, Society, Life, Sports - VietNam News

យោងតាមការចុះផ្សាយរបស់អង្គការសុខភាពពិភពលោក (WHO) បានឱ្យដឹងថា ម្ដាយគ្រប់រូបដែលទើបសម្រាលក្ដី ឬកំពុងបំបៅដោះកូនក្ដី សុទ្ធតែអាចបំបៅកូនដោយទឹកដោះ ដោយពុំចាំបាច់បារម្ភការចម្លងវីរុសទៅកាន់ទារកនោះទេ។

ក្នុងនោះ UNICEF បញ្ជាក់ថា គេមិនបានរកឃើញវីរុសកូវីដ-១៩នៅក្នុងទឹកដោះម្ដាយនោះទេ។ ដូច្នេះម្ដាយគ្រប់រូបគួរបន្តបំបៅទារក ដោយភ្ជាប់ជាមួយការរក្សាអនាម័យរាល់ពេលបំបៅ។

ដើម្បីចៀសវាងហានិភ័យមួយចំនួន ម្ដាយដែលបំបៅកូនដោយទឹកដោះគ្រប់រូប ត្រូវអនុវត្តវិធានការខ្លះៗដែលមានសារប្រយោជន៍អាចជួយការពារមេរោគ កំឡុងពេលរីករាលដាលនៃជំងឺកូវីដ-១៩។

​វិធានការទាំងនោះរួមមាន៖

-ពាក់ម៉ាសការពារឱ្យបានត្រឹមត្រូវពេលកំពុងបំបៅកូនដោយទឹកដោះម្ដាយ

-លាងដៃនឹងសាប៊ូ មុននិងក្រោយពេលប៉ះពាល់ទារក

-លាង និងសម្អាតសម្លាប់មេរោគជាប្រចាំនៅគ្រប់កន្លែងដែលប៉ះពាល់ញឹកញាប់ដោយប្រើសាប៊ូ។

-សម្អាតសម្ភារប្រើប្រាស់សម្រាប់ទារកជាប្រចាំ៕

អត្ថបទ៖ សន្យា

ប្រភព៖ WHO/ UNICEF

ចុចអាន៖ កុំបារម្ភ! ស្រ្តីកំពុងបំបៅកូនដោយទឹកដោះក៏អាចចាក់វ៉ាក់សាំងកូវីដបានដែរ ថែមទាំងផ្តល់អង់ទីគ័រដល់កូនទៀតផង

ចុចអាន៖ ការ​សិក្សា ៖ កុមារ​មាន​អង់ទីគ័រ​ខ្លាំង​ប្រឆាំង​កូវីដ​ជាង​មនុស្ស​ពេញវ័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services