ព័ត៌មានអន្ដរជាតិ

អ៉ីស្រាអែល កូរ៉េខាងត្បូងយល់ព្រមដោះដូរវ៉ាក់សាំងគ្នា៧០ម៉ឺនដូស

បានផុស

៣ years មុន

នៅ

ថ្ងៃអង្គារ ៦ កក្កដា ២០២១

ដោយ

ប្រទេសអ៉ីស្រាអែលនឹងបញ្ជូនវ៉ាក់សាំងបង្ការកូវីដ-១៩ Pfizer-BioNTech ដែលផុតកំណត់ប្រមាណ៧០ម៉ឺនដូសទៅប្រទេសកូរ៉េខាងត្បូងនៅចុងខែនេះ ហើយកូរ៉េខាងត្បូងនឹងផ្តល់វ៉ាក់សាំងចំនួនដូសដូចគ្នាដែលបានបញ្ជាទិញពី Pfizer ទៅអ៉ីស្រាអែលវិញនៅនៅខែកញ្ញា និងតុលា។

កូរ៉េខាងត្បូងបានចាក់វ៉ាក់សាំងកូវីដ-១៩យ៉ាងឆាប់រហ័សដែលខ្លួនមាន ប៉ុន្តែជួបការលំបាកក្នុងការទទួលបានវ៉ាក់សាំងគ្រប់គ្រាន់ឲ្យទាន់ពេលវេលាចំពេលដែលការផ្គត់ផ្គង់ជាសកលជួបបញ្ហា ជាពិសេសនៅអាស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្ត្រីអ៉ីស្រាអែល Naftali Bennett មានប្រសាសន៍ក្នុងសេចក្តីប្រកាសព័ត៌មានមួយនៅថ្ងៃអង្គារ៍ថា ៖«នេះជាកិច្ចព្រមព្រៀងឈ្នះ-ឈ្នះ។ រួបរួមគ្នា យើងនឹងឈ្នះកូវីដ»។

យោងតាមកាសែត Haaretz របស់ប្រទេសអ៉ីស្រាអែលបានផ្សាយថា យោងតាមស្ត្រីអ្នកនាំពាក្យក្រសួងសុខាភិបាលកូរ៉េខាងត្បូងនិយាយនៅថ្ងៃអង្គារ៍ថា អ្នកស្រីគ្មានអ្វីអត្ថាធិប្បាយអំពីកិច្ចព្រមព្រៀងនេះ។

បន្ទាប់ពីយុទ្ធនាការណ៍ចាក់វ៉ាក់សាំងឈានមុខក្នុងពិភពលោក អ៉ីស្រាអែលបានចាក់វ៉ាក់សាំងបង្ការកូវីដ-១៩ដល់ប្រជាជនរបស់ខ្លួនប្រមាណ៥៥% គឺចាក់ដល់ប្រជាជនបានច្រើនជាងគេ។

កាលពីសប្តាហ៍មុន កូរ៉េខាងត្បូងបាននិយាយថា ខ្លួនសង្ឃឹមទទទួលបានជោគជ័យលឿនជាងផែនការដែលគ្រោងចាក់វ៉ាក់សាំងដល់ប្រជាជនរបស់ខ្លួនឲ្យបាន៧០%ត្រឹមខែធ្នូ ហោចណាស់១ដូស ភាគច្រើនបំផុតគឺវ៉ាក់សាំង Pfizer៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសអ៊ីស្រាអែល