ទីបំផុត លោក ត្រាំ យល់ព្រមឲ្យមានការផ្ទេរអំណាចទៅលោក បៃដិន

នៅទីបំផុត លោក ដូណាល់ ត្រាំ បានសម្រេចថា ការផ្ទេរអំណាចជាផ្លូវការអាចចាប់ផ្តើមបានសម្រាប់ប្រធានាធិបតីជាប់ឆ្នោតអាមេរិកលោក ចូ បៃដិន ដើម្បីចូលកាន់តំណែង។

លោកប្រធានាធិបតីបាននិយាយថា លោកកំពុងផ្តល់អនុសាសន៍ដល់ទីភ្នាក់ងារសហព័ន្ធសំខាន់មួយក្នុងការធ្វើអ្វីដែលត្រូវធ្វើ ថ្វីបើលោកប្តេជ្ញាថានឹងបន្តប្រឆាំងនឹងលទ្ធផលក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលសេវាកម្មទូទៅ (GSA) បាននិយាយថា ខ្លួនទទួលស្គាល់ថា លោក បៃដិន គឺជាអ្នកឈ្នះយ៉ាងជាក់ស្តែង។

មុននេះ ជ័យជម្នះរបស់លោក បៃដិន នៅរដ្ឋ Michigan ត្រូវបានបញ្ជាក់ជាផ្លូវការដែលវាជាបរាជ័យដ៏ធំមួយទៀតចំពោះលោក ត្រាំ។

លោក បៃដិន ត្រូវបានគេព្យាករថានឹងឈ្នះរដ្ឋនេះជាមួយសំឡេងគាំទ្រជាង១៥ម៉ឺនសំឡេង។

ទោះបីជាយ៉ាងណាក៏ដោយ ក្រុមអ្នកច្បាប់របស់លោក ត្រាំ បាននិយាយថា ពួកគេនឹងនៅតែប្រឆាំងនឹងលទ្ធផលរបស់រដ្ឋ Michigan។

ប៉ុន្តែពេលវេលាជិតអស់ហើយ។ នៅថ្ងៃទី១៤ខែធ្នូ ជ័យជម្នះរបស់លោក បៃដិន នឹងត្រូវបានអនុម័តដោយតំណាងអ្នកបោះឆ្នោតសហរដ្ឋអាមេរិក៕

ប្រែសម្រួលដោយ៖ Vann Vann

ប្រភព៖ BBC