ព័ត៌មានអន្ដរជាតិ
ចិនជោគជ័យក្នុងការបង្ហោះរ៉ុកកែតបញ្ជូនយានអវកាសធំបំផុតទៅបំពេញបេសកកម្មនៅឋានព្រះច័ន្ទ (មានវីដេអូ)
រ៉ុកកែតបញ្ជូនយានអវកាសធំបំផុតរបស់ចិន បានហោះចេញពីផែនដីបានដោយជោគជ័យ កាលពីព្រឹកថ្ងៃអង្គារ៍នេះ សម្រាប់បេសកកម្មស្រាវជ្រាវនៅភពព្រះច័ន្ទ ដើម្បីប្រមូលគំរូដី ថ្មធ្វើការពិសោធន៍នៅភពផែនដី។
ការបញ្ជូនយានអវកាសធំបំផុតទៅកាន់ភពព្រះច័ន្ទ គឺជាមហិច្ឆិតាស្រាវជ្រាវទីអវកាសដ៏ធំរបស់ប្រទេសចិន ចាប់តាំងពីបណ្តាប្រទេសជាច្រើន ធ្លាប់បានទៅដល់ភពព្រះច័ន្ទ និងប្រមូលដី ថ្ម និងផ្ទៃគំរូផ្សេងទៀតសម្រាប់ការពិសោធន៍បែបវិទ្យាសាស្ត្រ។
រ៉ុកកែតបញ្ជូនយានអវកាសឈ្មោះ The Long March-5 ត្រូវចាត់ទុកជារ៉ុកកែតបញ្ជូនយានអវកាសធំបំផុតក្នុងប្រវត្តិសាស្ត្រចិន ត្រូវគេបង្ហោះនៅម៉ោង ៤៖៣០នាទីព្រឹក (ម៉ោងនៅប្រទេសចិន) ចេញពីមជ្ឈមណ្ឌលបង្ហោះយានអវកាស Wenchang ភាគខេត្តត្បូងកោះហៃណាន ដើម្បីបញ្ជូនយាន Chang’e-5 ទៅកាន់គន្លងតារាវិថី។
រដ្ឋបាលទីអវកាសជាតិចិន CNSA បានចាត់ទុកការបញ្ជូនយាន Chang’e-5 ទទួលបានជោគជ័យ ដោយអះអាងគ្រាប់រ៉ុកកែត Long March-5 ប្រើពេល ៣៧នាទី ទើបផ្តាច់ខ្លួនចេញពីយាន Chang’e-5 ក្រោយទៅដល់គន្លងតារាវិថី។
ក្នុងយាន Chang’e-5 គឺមានមនុស្សយន្ត និងគ្រឿងចក្រទំនើបមួយចំនួនដើម្បីបំពេញបេសកកម្មប្រមូលធនធានរ៉ែ ជួយឲ្យក្រុមអ្នកវិទ្យាសាស្ត្រសិក្សាបន្ថែមពីដើមកំណើត និងធាតុផ្សំជួបបង្កើតភពព្រះច័ន្ទឡើង។
បេសកកម្មនេះដែរ ក៏ជាបេសកកម្មថ្មីបំផុតមួយសម្រាប់ស្ទាប់ស្ទង់សមត្ថភាពភ្នាក់ងារអវកាសចិន សម្រាប់ការពិសោធន៍ពីទីអវកាស ដែលជាបេសកកម្មពិបាក និងស៊ាំញ៉ាំបំផុតមួយ៕
ប្រែសម្រួល៖ សុភា
ប្រភព៖ SCMP
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង