ព័ត៌មានអន្ដរជាតិ

រន្ទះបាញ់មង្គលការនៅបង់ក្លាដែសសម្លាប់មនុស្ស១៧នាក់ កូនកំលោះរបួស

បានផុស

៥ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

យ៉ាងហោចណាស់ មនុស្ស១៧នាក់នៅក្នុងពិធីមង្គលការមួយក្នុងប្រទេសបង់ក្លាដែសត្រូវបានរន្ទះបាញ់ស្លាប់។ នេះបើតាមមន្ត្រីបានឲ្យដឹង។

យោងតាមមន្ត្រីមូលដ្ឋាន Sakib Al-Rabby បានឲ្យដឹងថា គ្រោះថ្នាក់នេះបានកើតឡើងនៅពេល ពួកគេទើបចុះចេញពីទូកនៅមាត់ទន្លេមួយនៃទីប្រជុំជន Shibganj ដើម្បីជ្រកភ្លៀងមុនពេលបន្តដំណើរឆ្ពោះទៅផ្ទះកូនក្រមុំនៅពេលដែលមានភ្លៀងធ្លាក់ និងផ្គួររន្ទះ នៅភាគខាងជើងទីក្រុង Dhaka។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ មនុស្ស១៤នាក់រួមទាំងកូនកំលោះផងបានរបួស ប៉ុន្តែនៅក្នុងពិធីនោះមិនមានកូនក្រមុំទេ។

ជារៀងរាល់ឆ្នាំ មនុស្សរាប់រយនាក់នៅអាស៊ីខាងត្បូងបានរន្ទះបាញ់ស្លាប់។ កាលពីឆ្នាំ២០១៦ បង់ក្លាដែសបានឲ្យដឹងថា រន្ទះបាញ់បានសម្លាប់មនុស្សជាង២០០នាក់គ្រាន់តែនៅក្នុងខែឧសភា ក្នុងនោះត្រឹមតែ១ថ្ងៃមានស្លាប់៨២នាក់ក៏មាន។

អ្នកជំនាញបាននិយាយថា ការកាប់បំផ្លាញព្រៃឈើក៏រួមចំណែកធ្វើឲ្យកើនឡើងនូវគ្រោះថ្នាក់រន្ទះបាញ់ផងដែរ៕