ព័ត៌មានអន្ដរជាតិ
WHO កំពុងដឹកនាំសាកល្បងថ្នាំរលាក៣ប្រភេទដ៏មានសក្តានុពលសម្រាប់ព្យាបាលជំងឺកូវីដ
កាលពីថ្ងៃពុធ ម្សិលមិញនេះ អង្គការសុខភាពពិភពលោក (WHO) បានឲ្យដឹងពីការសាកល្បងគ្លីនិកសាស្ត្រនៅក្នុងប្រទេស៥២ដែលបានសិក្សាពីថ្នាំរលាក៣ប្រភេទដែលមានសក្តានុពលក្នុងការព្យាបាលអ្នកជំងឺកូវីដ-១៩។
អង្គការសុខភាពពិភពលោកបាននិយាយក្នុងសេចក្តីប្រកាសមួយពីការសាកល្បងសាមគ្គី Solidarity PLUS ថា ៖«ថ្នាំព្យាបាលទាំង៣ប្រភេទនេះគឺ Artesunate, Imatinib និង Infliximab ត្រូវបានជ្រើសរើសដោយក្រុមអ្នកជំនាញឯករាជ្យមួយសម្រាប់សក្តានុពលរបស់ថ្នាំទាំងនេះក្នុងការកាត់បន្ថយហានិភ័យនៃការស្លាប់អ្នកជំងឺកូវីដ-១៩នៅមន្ទីរពេទ្យ»។
ថ្នាំ Artesunate បានប្រើប្រាស់រួចរាល់ហើយសម្រាប់ជំងឺគ្រុនចាញ់ធ្ងន់ធ្ងរ ថ្នាំ Imatinib សម្រាប់ ព្យាបាលជំងឺមហារីកជាក់លាក់ និងថ្នាំ Infliximab សម្រាប់ព្យាបាលជំងឺប្រព័ន្ធភាពស៊ាំដូចជាជំងឺរលាកពោះវៀន និងជំងឺរលាកសន្លាករាំរ៉ៃ។
ការធ្វើសាកល្បងសាមគ្គីដំបូងកាលពីឆ្នាំមុនបានរកឃើញថា ការព្យាបាលទាំងអស់មានថ្នាំ៤ប្រភេទត្រូវបានវាយតម្លៃគឺថ្នាំ Remdesivir, Hydroxychloroquine, lopinavir/ritonavir និង Interferon ប៉ុន្តែមានប្រសិទ្ធភាពតិចតូច ឬគ្មានប្រសិទ្ធភាពសោះក្នុងការជួយដល់អ្នកជំងឺកូវីដ-១៩។
រហូតដល់ពេលមានតែថ្នាំ Corticosteroids មានបង្ហាញពីប្រសិទ្ធភាពប្រឆាំងនឹងជំងឺកូវីដ-១៩ធ្ងន់ធ្ងន់ខ្លាំង។
អង្គការសុខភាពពិភពលោកបាននិយាយថា ថ្នាំ Artesunate ផលិតដោយក្រុមហ៊ុន Ipca ត្រូវបានប្រើដើម្បីព្យាបាលជំងឺគ្រុនចាញ់។ ក្នុងការសាកល្បង វានឹងត្រូវបានចាក់បញ្ចូលតាមសរសៃឈាមរយៈពេល៧ថ្ងៃ ដោយប្រើកម្រិតស្តង់ដារដែលបានណែនាំសម្រាប់ការព្យាបាលជំងឺគ្រុនចាញ់ធ្ងន់ធ្ងរ។
ចំណែកថ្នាំ Imatinib ផលិតដោយក្រុមហ៊ុន Novartis ត្រូវបានប្រើសម្រាប់ព្យាបាលជំងឺមហារីកជាក់លាក់។ ក្នុងការសាកល្បង វានឹងត្រូវបានលេបតាមមាត់មួយថ្ងៃមួយគ្រាប់សម្រាប់រយៈពេល១៤ថ្ងៃ។
ចំពោះថ្នាំ Infliximab ផលិតដោយក្រុមហ៊ុន Johnson & Johnson ត្រូវបានប្រើដើម្បីព្យាបាលជំងឺប្រព័ន្ធភាពស៊ាំ។ ក្នុងការសាកក្បង វានឹងត្រូវបានចាក់បញ្ចូលតាមសរសៃឈាមតែមួយដូសប៉ុណ្ណោះ៕
ប្រែសម្រួល៖ វីរបុត្រ
ប្រភព៖ Reuters
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ