ព័ត៌មានអន្ដរជាតិ
វៀតណាម ប្រកាសមានភ្លៀងធ្លាក់ និងផ្គររន្ទះពីថ្ងៃនេះទៅ ខណៈតំបន់ខ្លះបែរជាជួបរលកកម្ដៅ
ភ្លៀង និងផ្គររន្ទះត្រូវបានព្យាករណ៍ថានឹងបោកបក់នៅភាគខាងជើងប្រទេសវៀតណាម ក្នុងរយៈពេលប៉ុន្មានថ្ងៃខាងមុខនេះ ខណៈរលកកម្ដៅនៅតាមបណ្តាខេត្តភាគកណ្តាល ក៏ត្រូវបានគេរំពឹងថានឹងបន្តកើតមានដល់សប្តាហ៍ក្រោយផងដែរ ។
យោងតាមមជ្ឈមណ្ឌលជាតិព្យាករណ៍ឧតុនិយមបានឲ្យដឹងថា ដោយសារឥទ្ធិពលនៃភ្លៀងធ្លាក់រួមជាមួយព្យុះផ្គររន្ទះ នឹងមានភ្លៀងធ្លាក់រាយប៉ាយនៅតំបន់ភាគខាងជើងនៅថ្ងៃព្រហស្បតិ៍ និងថ្ងៃសុក្រនេះ ខណៈជំនន់ទឹកភ្លៀងទំនងជានឹងមានបរិមាណកើនឡើង នៅពេលយប់ និងពេលព្រលឹម ។
ទន្ទឹមនោះ ភ្លៀងធ្លាក់ខ្លាំងនឹងកើតឡើងនៅតំបន់ភ្នំ ដោយកម្រិតទឹកភ្លៀងជាមធ្យមមានដល់ ៥០ ទៅ ១០០ មីល្លីម៉ែត្រ ខណៈលំនាំអាកាសធាតុបែបនេះ បង្កឲ្យមានហានិភ័យខ្ពស់នៃទឹកជំនន់ភ្លាមៗ ការរអិលបាក់ដី និងការជន់លិចនៅតំបន់ភ្នំ ។
ស្របពេលជាមួយគ្នានេះ រលកកម្ដៅនឹងធ្វើឲ្យតំបន់នានានៅចន្លោះភាគខាងជើង ភាគកណ្តាលខេត្ត Thanh Hoa និងខេត្ត Phu Yen ភាគខាងត្បូង មានសីតុណ្ហភាពលើសពី ៣៨ អង្សាសេ ហើយអាកាសធាតុក្តៅនេះ ត្រូវបានគេរំពឹងថានឹងបន្តរហូតដល់ថ្ងៃទី ២៥ ខែសីហា ។
លោក Le Dinh Quyet មន្ត្រីមកពីស្ថានីយ៍ឧតុនិយមបាននិយាយថា នៅភាគខាងត្បូងប្រទេសវៀតណាម នៅពេលថ្ងៃវានឹងនៅតែមានរលកកម្ដៅក្ដៅខ្លាំង ប៉ុន្តែមានភ្លៀងធ្លាក់នៅពេលល្ងាច ចាប់ពីថ្ងៃព្រហស្បតិ៍នេះ និងថ្ងៃសុក្រ ។
លោក Quyet បានបន្ថែមថា ជំនន់ទឹកភ្លៀងនឹងបង្កឲ្យមានព្យុះផ្គររន្ទះ និងខ្យល់កន្ត្រាក់ម្តងម្កាល ។ លោកបានបញ្ជាក់ថា លំនាំអាកាសធាតុនេះ អាចនឹងកើតឡើងម្តងទៀតនៅក្នុងតំបន់ ចាប់ពីថ្ងៃទី ២៤ ដល់ថ្ងៃទី ២៦ ខែសីហា ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ វៀតណាម កំពុងជួបរលកកម្ដៅដ៏ខ្លាំងក្លា ខេត្តខ្លះសីតុណ្ហភាពឡើងដល់ ៤០ អង្សាសេ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល