ព័ត៌មានអន្ដរជាតិ
លោក ពូទីន ថា ស្ថានការណ៍នៅអាហ្វហ្គានីស្ថានកំពុងប៉ះពាល់ផ្ទាល់ដល់សន្តិសុខរុស្ស៊ី
ប្រធានាធិបតីរុស្ស៊ីលោក វ្ល៉ាឌីមៀ ពូទីន កាលពីថ្ងៃអាទិត្យបាននិយាយថា ស្ថានការណ៍នៅអាហ្វហ្គានីស្ថានប៉ះពាល់ផ្ទាល់ដល់សន្តិសុខរបស់ប្រទេសរុស្ស៊ី ។
បើយោងតាមទីភ្នាក់ងារសារព័ត៌មាន RIA បានឲ្យដឹងថា លោកពូទីន មិនចង់ឲ្យក្រុមសកម្មប្រយុទ្ធអាហ្វហ្គានីស្ថាន ចូលមកជាជនភៀសខ្លួនឡើយ ។
លោក ពូទីន បានរិះគន់គំនិតរបស់ប្រទេសលោកខាងលិចមួយចំនួន ក្នុងការផ្លាស់ប្តូរទីលំនៅជនភៀសខ្លួនពីអាហ្វហ្គានីស្ថាន ទៅប្រទេសអាស៊ីកណ្តាលដែលនៅជិតខាង ខណៈពេលដែលទិដ្ឋាការរបស់ពួកគេទៅកាន់សហរដ្ឋអាមេរិក និងអឺរ៉ុបកំពុងដំណើរការ ។
ដោយដកស្រង់សម្ដីដោយទីភ្នាក់ងារសារព័ត៌មាន TASS លោក ពូទីន បានប្រាប់ថ្នាក់ដឹកនាំគណបក្សរួបរួមរុស្ស៊ីដែលកំពុងកាន់អំណាចថា “តើនោះមានន័យថា ពួកគេអាចត្រូវបានបញ្ជូនដោយគ្មានទិដ្ឋាការទៅកាន់ប្រទេសទាំងនោះ ទៅកាន់ប្រទេសជិតខាងរបស់យើងឬយ៉ាងណា ឬក៏ពួកគេផ្ទាល់ (លោកខាងលិច) មិនចង់យកពួកគេដោយគ្មានទិដ្ឋាការ? ។ ហេតុអ្វីបានជាមានវិធីដ៏អាម៉ាស់មុខក្នុងការដោះស្រាយបញ្ហានេះ?” ។
លោក ពូទីន បាននិយាយថា ប្រទេសរុស្ស៊ីដែលអនុញ្ញាតឲ្យធ្វើដំណើរដោយមិនមានទិដ្ឋាការ សម្រាប់ប្រជាពលរដ្ឋនៃបណ្តាប្រទេសអាស៊ីកណ្តាលអតីតសហភាពសូវៀត បានជំទាស់ពីបញ្ហានេះ ។
ខណៈពេលដែលបណ្តាប្រទេសលោកខាងលិចមួយចំនួន កំពុងញាប់ដៃញាប់ជើងជម្លៀសប្រជាជនចេញពីអាហ្វហ្គានីស្ថាន ទីក្រុងមូស្គូបានកោតសរសើរដល់ពួកតាលីបង់ ដែលបានស្តារសណ្តាប់ធ្នាប់ឡើងវិញ បន្ទាប់ពីការកាន់កាប់ប្រទេសនេះ ។
គួរបញ្ជាក់ថា កាលពីថ្ងៃទី ១៥ ខែសីហា ក្រុមតាលីបង់បានចូលរដ្ឋធានីកាប៊ុលរបស់អាហ្វហ្គានីស្ថាន ។ លោកប្រធានាធិបតី Ashraf Ghani បានលាលែងពីតំណែង ហើយភៀសខ្លួនចេញពីប្រទេសដើម្បីបញ្ចៀសការបង្ហូរឈាម ប្រសិនបើក្រុមបះបោរបន្តប្រយុទ្ធដើម្បីយកទីក្រុងនេះ ខណៈប្រទេសផ្សេងៗបានកាត់បន្ថយ ឬជម្លៀសបេសកកម្មការទូតរបស់ខ្លួនចេញទីក្រុងកាប៊ុល ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?