ព័ត៌មានអន្ដរជាតិ
មេដឹកនាំតៃវ៉ាន់ចាក់វ៉ាក់សាំងផលិតក្នុងស្រុកលើកដំបូងបើកផ្លូវមុនគេ
ប្រធានាធិបតីកោះតៃវ៉ាន់ លោកស្រី Tsai Ing-wen បានចាក់វ៉ាក់សាំងបង្ការកូវីដ-១៩ដែលផលិតក្នុងស្រុកលើកដំបូងនៅថ្ងៃចន្ទ ទី២៣ ខែសីហា នេះដែលជាសញ្ញានៃការអនុម័តឲ្យចាក់ជាផ្លូវការ។
កាលពីខែមុន ក្រសួងសុខាភិបាលបានអនុម័តឲ្យប្រើប្រាស់បន្ទាន់នូវវ៉ាក់សាំងការពារកូវីដ-១៩របស់ក្រុមហ៊ុន Medigen Vaccine Biologics Corp ដែលជាផ្នែកមួយនៃការពង្រីកយុទ្ធនាការណ៍ចាក់វ៉ាក់សាំងឲ្យបានគ្រប់គ្រាន់ ដោយសារមានការពន្យាពេលផ្គត់ផ្គង់ពីក្រុមហ៊ុនឱសថជាសកលធ្វើឲ្យប៉ះពាល់ដល់កោះតៃវ៉ាន់ ក៏ដូចជាប្រទេសផ្សេងៗ។
លោកស្រី Tsai ដែលមិនចាក់វ៉ាក់សាំង Moderna ឬ AstraZeneca ជាកម្មវិធីចាក់វ៉ាក់សាំងសំខាន់របស់កោះតៃវ៉ាន់ បានចាក់វ៉ាក់សាំង Medigen នៅមន្ទីរពេទ្យមួយកណ្តាលទីក្រុងតៃប៉ិ និងបង្ហាញពីទំនុកចិត្តរបស់លោកស្រីអំពីសុវត្ថិភាពរបស់វ៉ាក់សាំងក្នុងស្រុក។
ក្រោយពេលចាក់រួច លោកស្រីបានសរសេរលើគណនី Facebook ថា ៖«អត់ឈឺចាប់ទេ។ ខ្ញុំមានអារម្មណ៍ល្អ ហើយខ្ញុំនឹងបន្តធ្វើការថ្ងៃនេះ»។
រហូតដល់ពេលនេះ មនុស្សជាង ៧០០០០០នាក់បានចុះឈ្មោះដើម្បីចាក់វ៉ាក់សាំង Medigen ។ បន្ទាប់ពីចាក់ដូសទី១រយៈពេល២៨ថ្ងៃទើបចាក់ដូសទី២។ វ៉ាក់សាំង Medigen នេះត្រូវបានធ្វើតេស្តមានប្រសិទ្ធភាពល្អ។
លោក Charles Chen នាយកប្រតិបត្តិក្រុមហ៊ុន Medigen Vaccine Biologics Corp បានប្រាប់ថា ៖«យើងបានធ្វើពិសោធច្រើនណាស់។ អ្នករាល់គ្នាឃើញពីសុវត្ថិភាពរបស់វ៉ាក់សាំងនេះយ៉ាងណាហើយ។ ចំពោះផលរំខានវិញគឺតិចណាស់ ស្ទើរតែមិនក្តៅខ្លួនសោះ។ ដូច្នេះខ្ញុំគិតថា អ្នករាល់គ្នាអាចត្រូវបានធានាសុវត្ថិភាព»។
រហូតដល់ពេលនេះប្រហែលជា៤០%នៃប្រជាជនតៃវ៉ាន់ ២៣.៥លាននាក់ហោចណាស់ទទួលបានការចាក់វ៉ាក់សាំង១ដូសពីវ៉ាក់សាំង AstraZeneca ឬ Moderna ប៉ុន្តែប្រហែលជាជាង៥%ប៉ុណ្ណោះដែលចាក់បានពេញដូស៕
ប្រែសម្រួល៖ វីរបុត្រ
ប្រភព៖ Reuters
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៨ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ១ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026
-
ព័ត៌មានអន្ដរជាតិ២ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026