ព័ត៌មានអន្ដរជាតិ
វៀតណាម ព្រមានអ្នកជំងឺកូវីដទាំងអស់ កុំប៉ះពាល់សត្វចិញ្ចឹមឲ្យសោះ
កន្លងមក គ្រប់គ្នាធ្លាប់ដឹងមកហើយថា វីរុសកូវីដ-១៩អាចចម្លងពីមនុស្សម្នាក់ទៅមនុស្សម្នាក់តាមរយៈសំណាកទឹកមាត់ ឬភាគល្អិតនៃខ្យល់ដង្ហើមនៅពេលក្អក កណ្ដាស់ និងសន្ទនាគ្នា។ ចំពោះករណីចម្លងរវាងមនុស្សទៅសត្វ ឬរវាងសត្វទៅមនុស្ស ជាករណីកម្របំផុត សឹងថាគ្មានទាល់តែសោះ។
យ៉ាងណាមិញ នាពេលថ្មីៗនេះក្រសួងសុខាភិបាលវៀតណាម បានព្រមានអ្នកជំងឺកូវីដ-១៩ទាំងអស់ហាមប៉ះពាល់សត្វចិញ្ចឹមរបស់ខ្លួន ព្រោះមានភស្តុតាងបញ្ជាក់ថាវីរុសកូរ៉ូណាអាចឆ្លងពីមនុស្សទៅសត្វបាន។
នៅក្នុងសេចក្តីណែនាំដែលបានចេញផ្សាយកាលពីចុងសប្តាហ៍មុន ស្តីពីវិធីថែទាំអ្នកជំងឺកូវីដ-១៩ នៅតាមផ្ទះ ក្រសួងថ្លែងថា ក្រៅពីមិនប៉ះពាល់ជាមួយនឹងសមាជិកគ្រួសារ អ្នកជំងឺកូវីដក៏មិនអនុញ្ញាតឱ្យប៉ះពាល់ជាមួយសត្វចិញ្ចឹមដែរ។
ប្រភពដដែលលបន្តថា សត្វចិញ្ចឹមកំពុងរកឃើញឆ្លងវីរុសកូវីដ-១៩ បន្ទាប់ពីវាមានទំនាក់ទំនងជាមួយមនុស្សដែលផ្ទុកវីរុសកូវីដ-១៩ និងអ្នកថែទាំអ្នកជំងឺ។
យោងតាមរបាយការណ៍ពីមជ្ឈមណ្ឌលគ្រប់គ្រងនិងបង្ការជំងឺឆ្លងអាមេរិក (CDC) ទោះបីឱកាសនៃការសាយភាយវីរុសកូរ៉ូណាទៅកាន់សត្វមានកម្រិតទាបក៏ដោយ ក៏អ្នកជំងឺមានលទ្ធភាពចម្លងទៅសត្វ ជាពិសេសសត្វដែលពួកគេមានទំនាក់ទំនងជិតស្និទ្ធ។
របាយការណ៍ CDC បានឱ្យដឹងថា សត្វដែលងាយនឹងឆ្លងវីរុសកូរ៉ូណាជាងគេរួមមាន ឆ្កែ ឆ្មា កណ្តុរ ក្តាន់ និងសត្វព្រាបមួយចំនួន។
យោងតាមសេចក្តីណែនាំ ក្រៅពីប្រុងប្រយ័ត្នចំពោះសត្វចិញ្ចឹម ទាំងអ្នកជំងឺ ទាំងអ្នកជាគ្រប់គ្នា គួរតែប្រកាន់ខ្ជាប់នូវការពារការចម្លងតាមរយៈការលាងដៃ បាញ់សម្លាប់មេរោគនៅកន្លែងដែលប៉ះពាល់ញឹកញាប់ ពាក់ម៉ាស និងរក្សាគម្លាតសុវត្ថិភាពពីអ្នកដទៃ៕
ប្រែសម្រួល៖ សន្យា
ប្រភព៖ vnexpress
ចុចអាន៖ កុំគិតថាធម្មតា! សូម្បីទឹកកក ក៏អាចជាភ្នាក់ងារចំលងវីរុសកូវីដបានដែរ
ចុចអាន៖ ការពារខ្លួន! កូវីដអាចរស់នៅក្នុងទូទឹកកករហូត១ខែ និងលោហៈធាតុផ្សេងទៀតរាប់ថ្ងៃឯណោះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង