ឥណ្ឌា ប្រាប់ ចិន ឲ្យដកទ័ពចេញពីព្រំដែន ទើបទំនាក់ទំនងល្អប្រសើរ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ឥណ្ឌា ប្រាប់ ចិន ឲ្យដកទ័ពចេញពីព្រំដែន ទើបទំនាក់ទំនងល្អប្រសើរ

បានផុស

នៅ

ប្រទេសឥណ្ឌា បានប្រាប់ប្រទេសចិនថា ទំនាក់ទំនងទ្វេភាគីរបស់ពួកគេនឹងអភិវឌ្ឍន៍ លុះត្រាតែប្រទេសទាំងពីរ ដកកងទ័ពរបស់ពួកគេចេញពីការប្រឈមមុខដាក់គ្នានៅព្រំដែនហិល័យដែលមានជម្លោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងការបរទេសឥណ្ឌាលោក Subrahmanyam Jaishankar បានពិភាក្សាអំពីលទ្ធភាពរបស់ភាគីទាំងពីរ នៅពេលលោកជួបសមភាគីចិន លោក Wang Yi នៅខាងក្រៅសន្និសីទតំបន់មួយក្នុងទីក្រុង Dushanbe នៃប្រទេសតាជីគីស្ថាន កាលពីថ្ងៃព្រហស្បតិ៍។

រដ្ឋមន្ត្រីក្រសួងការបរទេសឥណ្ឌាលោក Subrahmanyam Jaishankar (ឆ្វេង) និង រដ្ឋមន្ត្រីក្រសួងការបរទេសចិន លោក Wang Yi

លោក Jaishankar បាននិយាយនៅលើបណ្តាញសង្គម Twitter ថា “លោកបានពិភាក្សាអំពីការមិនពាក់ព័ន្ធនៅតាមតំបន់ព្រំដែន។ លោកគូសបញ្ជាក់ថា ដំណើរការក្នុងរឿងនេះ គឺមានសារៈសំខាន់សម្រាប់ការស្តារឡើងវិញ នូវសន្តិភាពនិងភាពស្ងប់ស្ងាត់ដែលជាមូលដ្ឋានសម្រាប់ការអភិវឌ្ឍ ទំនាក់ទំនងទ្វេភាគី។

ទាហានឥណ្ឌានិងចិនរាប់ពាន់នាក់ បានជាប់ក្នុងការប្រឈមមុខដាក់គ្នា នៅភាគខាងលិចតំបន់ហិមាល័យ ចាប់តាំងពីឆ្នាំមុនមក នៅពេលដែលជម្លោះព្រំដែនដែលមានអាយុកាលរាប់ទសវត្សរ៍បានផ្ទុះឡើង។

កាលពីខែមិថុនាឆ្នាំមុន ភាពតានតឹងបានផ្ទុះឡើងទៅជាការប្រយុទ្ធគ្នា ដៃទល់នឹងដៃ ដែលបណ្តាលឲ្យស្លាប់ទាំងសងខាង ហើយវាជាការប៉ះទង្គិចគ្នាលើកដំបូងក្នុងរយៈពេលជាច្រើនទសវត្សរ៍មកនេះ។

បន្ទាប់ពីកិច្ចចរចាជាច្រើនលើក រវាងមេបញ្ជាការកងកម្លាំងទាំងពីរ កងកម្លាំងរបស់ពួកគេបានដកថយនៅផ្នែកខ្លះនៃព្រំដែន។

ប៉ុន្តែកងទ័ពដែលគាំទ្រដោយកាំភ្លើងធំ នៅតែឈរជើងនៅតាមចំណុចផ្សេងៗ៕

ប្រែសម្រួល៖ Vann Vann

ប្រភព៖ Reuters

ចុចអាន៖ ក្រោយទទួលស្គាល់មានទាហាន៤នាក់ស្លាប់ ពេលនេះចិន បញ្ចេញវីដេអូប្រយុទ្ធជាមួយឥណ្ឌា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services