ព័ត៌មានអន្ដរជាតិ

ក្រុងហូជីមិញអត់ទទួលស្គាល់អ្នកធ្វើតេស្តរហ័សវិជ្ជមានកូវីដដល់១៥ម៉ឺននាក់

បានផុស

៥ years មុន

នៅ

ថ្ងៃអង្គារ ២៨ កញ្ញា ២០២១

ដោយ

អាជ្ញាធរនៅក្នុងទីក្រុងធំបំផុតរបស់ប្រទេសវៀតណាមបានកំពុងជំរុញរដ្ឋាភិបាលឲ្យទទួលស្គាល់ការធ្វើតេស្តកូវីដ-១៩រហ័សដើម្បីបង្ហាញរូបភាពឲ្យកាន់តែច្បាស់ពីការផ្ទុះរបស់ខ្លួន។ នេះបើតាមការផ្សាយរបស់សារព័ត៌មានរដ្ឋកាលពីថ្ងៃចន្ទ។

ដូច្នេះប្រសិនបើ រដ្ឋាភិបាលទទួលស្គាល់ជាផ្លូវការមានន័យថា អាចនឹងបង្កើនតួលេខឆ្លងរបស់ទីក្រុងសរុបដល់ទៅ៤០%។

ក្រុងហូជីមិញដែលមានប្រជាជនប្រហែល៩លាននាក់បានក្លាយជាកន្លែងសម្រាប់កូវីដ-១៩រាតត្បាតធ្ងន់ធ្ងរបំផុតដែលស្មើនឹង៨០%នៃករណីស្លាប់ជាង១៨៥០០នាក់ និងពាក់កណ្តាលនៃករណីឆ្លងសរុប៧៥៦០០០នាក់ទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែត Tuoi Tre បានចេញផ្សាយដោយស្រង់សំដីរបស់លោក Nguyen Huu Hung អនុប្រធានមន្ទីរសុខាភិបាលក្រុងហូជីមិញថា ការធ្វើតេស្តរហ័សរកឃើញវិជ្ជមានលើមនុស្ស១៥០០០០នាក់នៅទីក្រុងចាប់ពីថ្ងៃទី២០ ខែសីហាមក ប៉ុន្តែមិនត្រូវបានរាប់បញ្ចូលក្នុងទិន្នន័យសរុបផ្លូវការទេ។

ដូចប្រទេសផ្សេងៗជាច្រើនដែរ វៀតណាមបានរាប់បញ្ចូលតែការធ្វើតេស្តដោយ PCR ប៉ុណ្ណោះ។

តំបន់សេដ្ឋកិច្ចភាគខាងត្បូងមានករណីឆ្លងចំនួន ៣៧២១៨០នាក់។ ប្រសិនបើករណី១៥០០០០នាក់បន្ថែមត្រូវបានបញ្ជាក់ថា វិជ្ជមានផ្លូវការនោះ វានឹងកាត់បន្ថយអត្រាស្លាប់របស់ទីក្រុងពីជាង ៣.៨%មកត្រឹម ២.៧៥%។

កាសែត Tuoi Tre បានស្រង់សំដីមន្ត្រីមិនបញ្ចេញឈ្មោះម្នាក់នៅមន្ទីរសុខាភិបាលក្រុងដែលបាននិយាយថា មនុស្ស១៥០០០០នាក់កំពុងត្រូវបានព្យាបាល ប៉ុន្តែមិនបានធ្វើតេស្តដោយ PCR ទេដោយសារខ្វះធន់ធាន៕

ប្រែសម្រួល៖ វីរបុត្រ
ប្រភព៖ reuters