ព័ត៌មានអន្ដរជាតិ
ពិតទេ វីរុសបំប្លែងខ្លួនក្លាយពូជពី Delta កំពុងជំរុញឲ្យករណីឆ្លងនៅ អង់គ្លេស ហក់ឡើងយ៉ាងគំហុក?
លោក Scott Gottlieb អតីតស្នងការរដ្ឋបាលចំណីអាហារនិងឱសថអាមេរិក បានអំពាវនាវឲ្យមានការស្រាវជ្រាវជាបន្ទាន់ទៅលើពូជ របស់វីរុសកូវីដ-១៩បំប្លែងខ្លួន Delta ដែលត្រូវបានគេស្គាល់ថា Delta Plus បន្ទាប់ពីមានការកើនឡើងនៃករណីឆ្លងនៅក្នុងប្រទេស អង់គ្លេស។
លោកវេជ្ជបណ្ឌិត Gottlieb បាននិយាយនៅក្នុង Twitter កាលពីថ្ងៃអាទិត្យទី១៧ខែតុលាថា “យើងចាំបាច់ត្រូវស្រាវជ្រាវជាបន្ទាន់ដើម្បីដឹងថាតើ វីរុសកូវីដបំប្លែងខ្លួនក្លាយពូជ Delta Plus នេះ អាចចម្លងកាន់តែខ្លាំង ឬអាចគេចផុតពីប្រព័ន្ធភាពស៊ាំដែរឬទេ។ ទោះមិនមានការចង្អុលបង្ហាញច្បាស់លាស់ថា វាអាចចម្លងខ្លាំងជាងវីរុសបំប្លែងខ្លួនផ្សេងៗក៏ដោយ ប៉ុន្តែយើងគួរតែធ្វើការកំណត់លក្ខណៈទាំងនេះនិងវីរុសបំប្លែងខ្លួនផ្សេងទៀតឲ្យបានលឿនជាងមុន”។
វីរុសប្រភេទ Delta Plus រួមមានធាតុបំប្លែង K417N ដែលជាហេតុបង្កឲ្យមានការព្រួយបារម្ភ ព្រោះធាតុបំប្លែងនេះក៏មានផ្ទុកក្នុងវីរុសប្រភេទ Beta ដែលមានលទ្ធភាព ធ្វើឲ្យអ្នកឆ្លងហើយអាចឆ្លងម្តងទៀតបានផងដែរ។
គួរបញ្ជាក់ថា ការអត្ថាធិប្បាយរបស់លោកបានកើតឡើង នៅពេលចក្រភពអង់គ្លេសបានរាយការណ៍ករណីឆ្លងថ្មីចំនួន ៤៥,១៤០ ករណីកាលពីថ្ងៃអាទិត្យ ដែលជាការកើនឡើងប្រចាំថ្ងៃខ្ពស់បំផុត ចាប់តាំងពីពាក់កណ្តាលខែកក្កដាមក នៅពេលលោកនាយករដ្ឋមន្ត្រី Boris Johnson អនុញ្ញាតឲ្យដកចេញនូវការរឹតត្បិតភាគច្រើនទាក់ទងនឹងជំងឺកូវីដ-១៩ នៅក្នុងអ្វីដែលត្រូវបានគេហៅថា “ទិវាសេរីភាព”។
ការស្លាប់ប្រចាំសប្តាហ៍ដោយសារកូវីដ បានកើនឡើងដល់ ៨០០ នាក់ក្នុងរយៈពេល ៦ សប្តាហ៍ចុងក្រោយ ដែលតួលេខនេះខ្ពស់ជាងបណ្តាប្រទេសអឺរ៉ុបខាងលិចផ្សេងទៀត។
រហូតមកដល់ពេលនេះ ចក្រភពអង់គ្លេសមានអ្នកស្លាប់ដោយសារជំងឺកូវីដ-១៩ ជិត ១៤ ម៉ឺននាក់៕
ប្រែសម្រួល៖ Vann Vann
ប្រភព៖ Straits Times
ចុចអាន៖ កូវីដនឹងក្លាយជាជំងឺផ្លូវដង្ហើមធម្មតា ដោយសារថ្នាំ Molnupiravir
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៨ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានអន្ដរជាតិ៥ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ