ព័ត៌មានអន្ដរជាតិ
ចិន ប្រាប់ អាមេរិក ប្រយ័ត្នពាក្យសម្ដីឲ្យមែនទែន ក្រោយប្រកាសក្ដែងៗរឿងការពារ តៃវ៉ាន់
អ្នកនាំពាក្យក្រសួងការបរទេសចិន លោក Wang Wenbin បានឆ្លើយតបទៅនឹងការប្ដេជ្ញារបស់ប្រធានាធិបតីអាមេរិក ចូ បៃដិន ក្នុងការ “ការពារតៃវ៉ាន់” ដោយជំរុញឲ្យមេដឹកនាំសហរដ្ឋអាមេរិករូបនេះ កុំមើលស្រាលការប្តេជ្ញាចិត្តរបស់ចិន ចំពោះការទាមទាររបស់ខ្លួនសម្រាប់កោះនេះ ។
នៅពេលនិយាយអំពីបញ្ហាទាក់ទងនឹងអធិបតេយ្យភាព បូរណភាពទឹកដីរបស់ចិន និងផលប្រយោជន៍ស្នូលផ្សេងទៀត លោក Wang បាននិយាយនៅក្នុងសន្និសីទខ្លីមួយកាលពីថ្ងៃសុក្រថា “គ្មានកន្លែងណាដែលចិនអាចធ្វើសម្រុះសម្រួល ឬធ្វើសម្បទានបានឡើយ ហើយគ្មាននរណាគួរមើលស្រាលការប្តេជ្ញាចិត្ត ឆន្ទៈ និងសមត្ថភាពខ្លាំងក្លារបស់ប្រជាជនចិនក្នុងការការពារអធិបតេយ្យភាពជាតិ និងបូរណភាពទឹកដីឡើយ” ។
អ្នកនាំពាក្យរូបនេះបានសង្កត់ធ្ងន់ថា “តៃវ៉ាន់ គឺជាផ្នែកដែលមិនអាចកាត់ផ្តាច់បាននៃទឹកដីរបស់ប្រទេសចិន ។ បញ្ហាតៃវ៉ាន់គឺជាកិច្ចការផ្ទៃក្នុងរបស់ចិនសុទ្ធសាធដែលមិនអនុញ្ញាតឲ្យមានការអន្តរាគមន៍ពីបរទេស” ។
ទន្ទឹមនោះ លោក Wang បានជំរុញឲ្យសហរដ្ឋអាមេរិក “ប្រុងប្រយ័ត្នជាមួយនឹងពាក្យសម្ដី និងសកម្មភាពរបស់ខ្លួនលើបញ្ហាតៃវ៉ាន់ ហើយកុំបញ្ជូនសញ្ញាខុសឆ្គងណាមួយទៅកាន់កងកម្លាំងផ្តាច់ខ្លួននៃឯករាជ្យភាពរបស់តៃវ៉ាន់ ដើម្បីកុំឲ្យប៉ះពាល់ដល់ទំនាក់ទំនងចិន-អាមេរិក ក៏ដូចជាសន្តិភាព និងស្ថិរភាពនៅច្រកសមុទ្រតៃវ៉ាន់” ។
គួរបញ្ជាក់ថា ការអត្ថាធិប្បាយរបស់អ្នកនាំពាក្យរូបនេះធ្វើឡើង បន្ទាប់ពីសុន្ទរកថារបស់លោកប្រធានាធិបតី ចូ បៃដិន នៅឯកម្មវិធី CNN town hall កាលពីយប់ថ្ងៃព្រហស្បតិ៍ ដែលក្នុងអំឡុងពេលនោះលោកបាននិយាយថា សហរដ្ឋអាមេរិកបានប្តេជ្ញាការពារកោះតៃវ៉ាន់ ពីការលុកលុយរបស់ចិន នៅគ្រប់កាលៈទេសៈទាំងអស់ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ បៃដិន ប្រកាសក្តែងៗ អាមេរិក នឹងការពារតៃវ៉ាន់ បើ ចិន វាយប្រហារ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ