Connect with us

ព័ត៌មានអន្ដរជាតិ

មីស៊ីល រុស្ស៊ី ហោះចូលដែនអាកាសណាតូ បញ្ឆេះស្ថានការណ៍ ឲ្យឆួលក្តៅ

បានផុស

នៅ

ស្ថានការណ៍នៅអឺរ៉ុបភាគកណ្តាលហាក់ឡើងកម្តៅខ្លាំង បន្ទាប់ពីមីស៊ីលរុស្ស៊ី ហោះចូលដែនអាកាសរបស់ប្រទេសប៉ូឡូញដែលជាសមាជិកអង្គការណាតូ ហើយទីក្រុង វ៉ាសូវី ក៏បានកោះហៅឯកអគ្គរដ្ឋទូតរុស្ស៊ីផងដែរ ដើម្បីឲ្យពន្យល់ពីរឿងនេះ។ នេះបើយោងតាមការចុះផ្សាយរបស់ RT នៅថ្ងៃចន្ទទី២៥ខែមីនា។

(រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសប៉ូឡូញ បាននិយាយក្នុងសេចក្តីប្រកាសមួយ លើគេហទំព័ររបស់ខ្លួនថា “ប៉ូឡូញ នឹងទាមទារការពន្យល់ពីសហព័ន្ធរុស្ស៊ី ពាក់ព័ន្ធការរំលោភដែនអាកាសរបស់ប្រទេសនេះ”។

យោងតាមកងទ័ពប៉ូឡូញ មីស៊ីលបាញ់ពីយន្តហោះ បានហោះចូលដែនអាកាសប៉ូឡូញប្រហែ​ល៤០វិនាទី នៅម៉ោង៤និង២៤នាទីព្រឹកថ្ងៃអាទិត្យទី២៤ខែមីនា ជិតភូមិ Oserdow ភាគអាគ្នេយ៍ ខណៈគោលដៅនៃការវាយប្រហារនេះ គឺនៅភាគខាងលិចប្រទេសអ៊ុយក្រែនឯណោះទេ។

ទោះបីជាយ៉ាងណាក៏ដោយ ទីក្រុងមូស្គូ មិនធ្វើអត្ថាធិប្បាយលើបញ្ហានេះឡើយ ប៉ុន្តែក្រសួងការពារជាតិរុស្ស៊ី បានរាយការណ៍ក្នុងអំឡុងសន្និសីទសារព័ត៌មានកាលពីថ្ងៃអាទិត្យថា យន្តហោះចម្បាំងរបស់ខ្លួន បានបើកការវាយប្រហារលើហេដ្ឋារចនាសម្ព័ន្ធថាមពលរបស់អ៊ុយក្រែន។

រូបតំណាងមីស៊ីលរុស្ស៊ី (រូបថត៖ Defence​ Talk)

ហេតុការណ៍នេះ ធ្វើឲ្យគេនឹកឃើញដល់ខែវិច្ឆិកាឆ្នាំ២០២២ ពេលមីស៊ីលមួយគ្រាប់ ធ្លាក់នៅក្នុងភូមិ Przewodow របស់ប៉ូឡូញ ជិតព្រំដែនអ៊ុយក្រែន ដោយបានសម្លាប់កសិករពីរនាក់។

កាលពីខែមុន លោកប្រធានាធិបតី វ្ល៉ាឌីមៀរ ពូទីន បានគូសបញ្ជាក់ថា រុស្ស៊ីនឹងប្រយុទ្ធដើម្បីផលប្រយោជន៍របស់ខ្លួនឲ្យដល់ទីបញ្ចប់ ប៉ុន្តែមិនមានចិត្តចង់ពង្រីកភ្លើងសង្គ្រាមនៅអ៊ុយក្រែនឲ្យឆេះរាលដាលទៅកាន់ប្រទេសផ្សេងទៀតដូចជា ប៉ូឡូញ និងឡេតូនីនោះទេ។

នៅពេលត្រូវបានអ្នកកាសែតអាមេរិក Tucker Carlson សួរថាតើលោក ពូទីន អាចសាកស្រមៃពីសេណារីយ៉ូដែលលោកអាចនឹងលើកទ័ពរុស្ស៊ីចូលទៅកាន់ប្រទេសប៉ូឡូញ ដែលជាសមាជិកអង្គការណាតូដែរឬទេ? មេដឹកនាំរុស្ស៊ីរូបនេះបានឆ្លើយថា “មានតែករណីមួយប៉ុណ្ណោះដែលរឿងនេះអាចកើតឡើង ហើយនោះគឺទាល់តែប៉ូឡូញហ៊ានវាយឆ្មក់មកលើរុស្ស៊ីមុន ។ នេះមកពីហេតុអ្វី? ពីព្រោះយើងមិនមានចំណាប់អារម្មណ៍ធ្វើរឿងទាំងនេះលើប៉ូឡូញ ឡេតូនី ឬប្រទេសណាផ្សេងទៀតនោះទេ”។

លោក ពូទីន (រូបថត៖ TCN)

សូមបញ្ជាក់ជាថ្មី នៅថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសក្នុងប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, នៅទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។

មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕

អត្ថបទ៖ សុខ សុវណ្ណ

ចុចអាន៖ លោក ពូទីន ថា រុស្ស៊ី ដូចជាគ្មានចិត្តចង់ពង្រីកសង្គ្រាមទៅដល់ ប៉ូឡូញ និងឡេតូនីឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៤ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម១៩ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម