ព័ត៌មានអន្ដរជាតិ
សីតុណ្ហភាពថ្ងៃត្រង់នៅ ថៃ ឡើងដល់ ៤០ អង្សាសេ តែពេលល្ងាចបែរជាអាចមានផ្គររន្ទះ
នាយកដ្ឋានឧតុនិយមថៃបានព្រមានពីអាកាសធាតុក្តៅខ្លាំង ចាប់ពីថ្ងៃទី២៤ ខែមីនាតទៅនៅតំបន់ភាគខាងជើង និងកណ្តាល ដោយសីតុណ្ហភាពឡើងដល់ ៤០ អង្សាសេ ខណៈនៅទីក្រុងបាងកកអាចមានឱកាសភ្លៀងធ្លាក់ ១០ ភាគរយ ។ នេះបើយោងតាមការចេញផ្សាយដោយសារព័ត៌មាន The Nation កាលពីថ្ងៃទី២៤ ខែមីនាកន្លងទៅ ។
![](https://www.kampucheathmey.com/wp-content/uploads/2024/03/hottest-1-1.jpg)
សម្ពាធបរិយាកាសទាបដែលបណ្តាលមកពីកម្ដៅគ្របដណ្តប់តំបន់ខាងលើនៃប្រទេសថៃ នឹងនាំឲ្យមានអាកាសធាតុក្តៅខ្លាំងនៅពេលថ្ងៃត្រង់ ហើយនាយកដ្ឋានក៏បានចេញការបញ្ជាក់ជូនទៅកាន់ប្រជាពលរដ្ឋផងដែរត្រូវថែរក្សាសុខភាព ដែលបណ្ដាលមកពីអាកាសធាតុក្តៅខ្លាំងនេះ ។
ទន្ទឹមនឹងជួបរលកក្ដៅខ្លាំងនៅពេលថ្ងៃត្រង់ ប៉ុន្តែតំបន់ដាច់ស្រយាលមួយចំនួនរបស់ថៃក៏អាចនឹងកើតមានបាតុភូតព្យុះផ្គររន្ទះនៅពេលល្ងាចផងដែរ ដោយសារខ្យល់បក់ពីទិសនិរតី និងអាគ្នេយ៍នាំមកនូវសំណើមពីឈូងសមុទ្រថៃ និងសមុទ្រចិនខាងត្បូង មកគ្របដណ្តប់តំបន់ភាគឦសាន ប៉ែកខ្ពង់រាប កណ្តាល និងភាគខាងកើត ។
![](https://www.kampucheathmey.com/wp-content/uploads/2024/03/hottest-9.jpeg)
នាយកដ្ឋានបានបន្ថែមថា ដូច្នេះសូមប្រជាពលរដ្ឋនៅតំបន់ខាងលើត្រូវប្រុងប្រយ័ត្នចំពោះគ្រោះថ្នាក់ដែលអាចកើតឡើងពីខ្យល់ព្យុះផ្គររន្ទះក្នុងរយៈពេលប៉ុន្មានថ្ងៃនេះ ស្របពេលដែលខ្យល់បក់ពីទិសខាងកើត និងអាគ្នេយ៍ដែលគ្របដណ្តប់លើឈូងសមុទ្រថៃ តំបន់ភាគខាងត្បូង និងសមុទ្រ Andaman នឹងបង្កឲ្យមានផ្គររន្ទះផ្សេងមួយទៀតនៅតំបន់មួយចំនួននៃភាគខាងត្បូងប្រទេស ។
ចំណែកនៅឈូងសមុទ្រថៃ និងសមុទ្រ Andaman ជាពិសេសនៅក្នុងតំបន់ដែលកើតមានព្យុះផ្គររន្ទះ រលកកម្ពស់ដែលជាមធ្យមមានប្រហែល ១ ម៉ែត្ររំពឹងថានឹងបោកបក់ខ្ពស់ជាងមុន ខណៈនាយកដ្ឋានថែមទាំងបានព្រមានទៅដល់ប្រជានេសាទក្នុងតំបន់ទាំងនេះផងដែរថា ដាច់ខាតមិនត្រូវចេញទូកក្នុងអំឡុងពេលមានព្យុះផ្គររន្ទះនោះឡើយ ៕
![](https://www.kampucheathmey.com/wp-content/uploads/2024/03/strom-5.jpg)
ដោយ ៖ សុខ ជីវ័ន្ត
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ